កម្ពុជា អាចទទួលខុសត្រូវខ្លួនឯងបានចំពោះការចំណាយនានាសម្រាប់ការបោះឆ្នោត
Cambodia News
ភ្នំពេញ៖ កាលពីថ្ងៃទី២៤ ខែមេសា ឆ្នាំ២០១៣ លោក ទេព នីថា អគ្គលេខាធិការ គ.ជ.ប បានថ្លែងប្រាប់ក្រុមអ្នករាយការណ៏ព័ត៌មាន ថា ក្រុមអ្នកសង្កេតការណ៏អន្តជាតិ និង ជំនួយ ត្រូវបានគេបញ្ជូនច្រើនតែទៅកាន់ប្រទេស ដែលទើបមានការបោះឆ្នោតថ្មីថ្មោងប៉ុណ្ណោះ សម្រាប់កម្ពុជាត្រូវបានគេជឿថា មានភាពរឹងមាំហើយ ចំណែករដ្ឋាភិបាលក៏ទទួលខុសត្រូវ បានខាងថវិការលើបញ្ហានេះដែរ ។
ការបោះឆ្នោតជាតិរបស់កម្ពុជាលើកនេះ ពុំមានជំនួយគគ្រឹកគ្រេងដូចមុនៗទៀតទេ ចំណែកក្រុមអ្នកសង្កេតការណ៏អន្តរជាតិ ក៏មានចំនួនតិចតួចដែរ ។ ប៉ុន្តែសម្រាប់គណៈកម្មាធិការជាតិរៀបចំការបោះឆ្នោតបានយល់ឃើញថា ជាការបង្ហាញឲ្យឃើញពីភាពរឹងមាំរបស់ស្ថាប័ននេះ និងរដ្ឋាភិបាលកម្ពុជា ដែលទទួលខុសត្រូវបាន ខ្លួនឯងចំពោះការចំណាយនានាសម្រាប់ការបោះឆ្នោត ដោយមិនចាំបាច់ពឹងផ្អែក លើបរទេស ។
យោងតាមររបាយការណ៏របស់ គ.ជ.ប កាលពីថ្ងៃទី២៤ ខែមេសា ឆ្នាំ២០១៣ បានឲ្យដឹងថា ជំនួយពីបរទេសសម្រាប់ការបោះឆ្នោតលើកនេះមានតែឧបករណ៏ កុំព្យូទ័រ តែប៉ុណ្ណោះ ដែលឧត្ថម្ភដោយរដ្ឋាភិបាលកូរ៉េខាងត្បូងតម្លៃ ២៦០០០ដុល្លារ រីឯ អ្នកសង្កេតការណ៏អន្តរជាតិ មានតែ ១៨នាក់ ខណៈដែលការបោះឆ្នោតជាតិដូចគ្នានេះ កាលពីឆ្នាំ២០០៨ មានរហូតដល់ ៥៩២នាក់នោះ ៕
