យុវជនម្នាក់ត្រូវសម្ថកិច្ចចាប់ខ្លួនពាក់ព័ន្ធករណីប្រទូស្ដកេរខ្មាស
Cambodia News
ព័ត៌មានសន្ថិសុខ
ភ្នំពេញ ៖ កាលពីវេលាម៉ោង៨ព្រឹក ថ្ងៃទី២១ ខែមេសា យុវជនម្នាក់ត្រូវកម្លាំងនគរបាលប៉ុស្ដិ៍ច្បារអំពៅទី១ចាប់ ខ្លួនតាមពាក្យបណ្ដឹងរបស់នារីរងគ្រោះ ពាក់ព័ន្ធករណីប្រទូស្ដកេរខ្មាស នៅចំណុចមាត់ទន្លេ ស្ថិតក្នុងភូមិព្រែក សង្កាត់ច្បារអំពៅទី១ ខណ្ឌមានជ័យ ។
ជនសង្ស័យឈ្មោះនេត ប្រាក់ ភេទប្រុស អាយុ២៦ឆ្នាំ មុខរបរកម្មករសំណង់ ចំណែកស្ដ្រីរងគ្រោះមានឈ្មោះសិន សៅ អាយុ៤៦ឆ្នាំ មុខរបររើសអេតចាយ ។
តាមប្រភពព័ត៌មានពីនគរបាល ប៉ុស្ដិ៍ បានឱ្យដឹងថា ករណីចាប់ខ្លួនជនសង្ស័យ រូបនេះពាក់ព័ន្ធករណីប្រទូស្ដកេរខ្មាស ត្រូវនារីរងគ្រោះប្ដឹងនគរបាលប៉ុស្ដិ៍ ក្រោយ ពីជនសង្ស័យបានចូលទៅក្នុងផ្ទះនារីរងគ្រោះទាំងព្រឹក ហើយចាប់ឱបប្រុងរំលោភ នៅគ្រាដែលនារីរងគ្រោះស្លៀក រ៉ូបដេកយប់ខ្លីត្រឹមភ្លៅបម្រុងចេញពីក្នុង ផ្ទះមកងូតទឹកទន្លេ ។
ប្រភពព័ត៌មានបានបន្ដថា ពេលចាប់ ឱបនោះជនសង្ស័យបានប្រើពាក្យសម្ដី គំរាម តែត្រូវនារីរងគ្រោះរើបម្រះរួច ហើយរត់ទៅប្ដឹងនគរបាលប៉ុស្ដិ៍ច្បារអំពៅ ទី១ ទើបឃាត់ខ្លួនជនសង្ស័យតែម្ដង ។ ក្រោយឃាត់ខ្លួន ជនសង្ស័យត្រូវបាន បញ្ជូនមកអធិការដ្ឋាននគរបាលខណ្ឌ មានជ័យដើម្បីចាត់ការតាមនីតិវិធី ៕ ហេង នាង
