និស្សិត ន័រតុន ម្នាក់ត្រូវរថយន្តបុករងរបួសធ្ងន់
ភ្នំពេញ ៖ កាលពីវេលាម៉ោង ២០ នងិ ៤០ នាទីយប់ថ្ងៃទី២០ ខែកុម្ភៈ រថយន្តមួយគ្រឿង បានបើកបុកយុវជនម្នាក់ដែលកំពុងជិះម៉ូតូបញ្ច្រាស ទិសគ្នា នៅតាមបណ្ដោយមហាវិថីព្រះនរោត្តម កែងផ្លូវលេខ ៣៧០ ក្នុងសង្កាត់បឹងកេងកងទី ១ ខណ្ឌចំការមន បណ្ដាលឲ្យម៉ូតូដួលបោកផ្ទប់ទៅនឹងរថយន្តមួយគ្រឿងទៀត ចំណែករថយន្តបង្កបើករត់គេចខ្លួនបាត់។
មុនពេលកើតហេតុនោះគឺយុវជនរងគ្រោះ បានជិះម៉ូតូមួយគ្រឿងម៉ាកវីវ៉ា ពណ៌ខ្មៅ ពាក់ស្លាកលេខ 1G 3423 បើកបរដោយឈ្មោះ ប៉ាន់ សុនរៀន ជានិស្សិតនៅសាកលវិទ្យាល័យន័រ តាមបណ្តោយផ្លូវមហាវីថីព្រះនរោត្តម ក្នុងទិសដៅពីជើងមកត្បូងខណៈបើកដល់ចំណុច ផ្លូវកែងលេខ៣៧០ ស្រាប់តែមានរថយន្តកាមរីឆ្លាមមួយគ្រឿងកំពុងបោះពួយយ៉ាងលឿន បញ្ច្រាសទិសគ្នាជាមួយម៉ូតូ ពេលនេះក៏បណ្ដាលឲ្យភាគីរថយន្តកាមរីឆ្លាមរេចង្កូតបុកចំពីមុខ ម៉ូតូពេញទំហឹងតែម្តង ធ្វើឲ្យយុវជនជាអ្នកជិះម៉ូតូបានដួលបោក ខ្លួនទៅផ្ទប់នឹងរថយន្តឡង់គ្រីស័រមួយគ្រឿង ពណ៌ស្លែ ពាក់ស្លាកលេខភ្នំពេញ 2L 2325 ដែលកំពុងជិះស្របគ្នាជាមួយម៉ូតូ បណ្ដាលឲ្យយុវជនរូបនេះរងរបួសធ្ងន់ធ្ងរត្រូវបញ្ជូនទៅសង្គ្រោះនៅ មន្ទីរពេទ្យ ។
ដោយសារតែរថយន្តបង្កហេតុរត់គេចខ្លួនបាត់នោះហើយរថយន្តឡង់គ្រីស័ រមិនទាមទារសំណងពីជនរងគ្រោះនោះទេ ចំណែកអ្នកត្រូវរបួសត្រូវបញ្ជូនទៅមន្ទីរពេទ្យ ៕ ហេង នាង
