ឥទ្ធិពលវប្បធម៌ចិនវាយលុកចូលដល់ឫសកែវសង្គមវប្បធម៌ខ្មែរ
ប្រទេសកម្ពុជា បច្ចុប្បន្ននេះ កំពុងទទួលយកប្រពៃណីចិនយ៉ាងពេញទំហឹង បើទោះបីជាបុណ្យចូលឆ្នាំចិន មិនត្រូវបានរដ្ឋាភិបាលចាត់ទុកថា ជាថ្ងៃបុណ្យជាតិក៏ដោយ ក៏សាលារៀនរដ្ឋ ទីផ្សារ ក្រសួង មន្ទីររដ្ឋាភិបាលមួយចំនួន ក៏នៅតែបានបិទទ្វារក្នុងពេលចូលឆ្នាំចិនម្ដងៗ។
លោកនាយករដ្ឋមន្ត្រី ហ៊ុន សែន បាននិយាយថា ក្រោមការដឹកនាំរបស់លោក មិនអាចទប់ស្កាត់ឥទ្ធិពលវប្បធម៌ចិន ដែលកំពុងវាយលុកចូលដល់ឫសកែវសង្គមវប្បធម៌ខ្មែរយ៉ាងពេញទំហឹងដូច សព្វថ្ងៃនេះបានទេ។
ចំពោះបញ្ហានេះលោកនាយករដ្ឋមន្ត្រី ហ៊ុន សែន ចេញមុខប្រកាសជាសាធារណៈថា បញ្ហានេះមិនដឹងជាត្រូវដោះស្រាយដូចម្ដេចទេ ព្រោះថា សូម្បីតែវង្សត្រកូលក្រុមគ្រួសាររបស់លោកក៏ជាប់សែស្រឡាយចិនដែរ៕