សម្ថកិច្ចចាប់វាយខ្នោះជនបាញ់បោះសេរីផ្អើលមួយចំហៀងក្រុងភ្នំពេញ
ភ្នំពេញ ៖ កាលពីវេលាម៉ោង ២៤ និង ០០ នាទីយប់ថ្ងៃទី ០៤ ខែមករា បន្ទាប់ពីឮស្នូរផ្ទុះអាវុធ សមត្ថកិច្ចចម្រុះនៃស្នងការដ្ឋានរាជធានីភ្នំពេញ និងសមត្ថកិច្ចកងរាជអាវុធហត្ថរាជធានីភ្នំពេញ បានពង្រាយកម្លាំងធ្វើការឡោព័ទ្ធចាប់ជនប្រដាប់អាវុធដែលបង្កឲ្យ មានការផ្ទុះអាវុធបានចំនួន ៤ នាក់ នៅចំណុចភ្លើងស្តុប ទួលទំពូង ស្ថិតនៅតាមបណ្តោយផ្លូវម៉ៅសេទុង កែងផ្លូវលេខ១៦៣ ក្នុងសង្កាត់ទួលទំពូងទី ២ ខណ្ឌចំការមន។
កម្លាំងសម្រុកចាប់ខ្លួនជនសង្ស័យបាន ចំនួន ៤ នាក់ និងរថយន្ត មីនី ស៊េរី ទំនើប ចំនួន ២គ្រឿង និងអាវុធខ្លីម៉ាកឡុក មួយដើមក្នុងរថយន្ត នាំទៅកាន់អធិការដ្ឋាននគរបាលខណ្ឌ៧មករា ដើម្បីធ្វើការសាកសួរ ។
តាមប្រភពព័ត៌មានពីកន្លែងកើតហេតុបានឲ្យ ដឹងថា ដំបូងឡើយមានមនុស្សមួយក្រុមជិះរថយន្តម៉ាក ស្ព័រកូនកាត់ ពណ៌ស មួយគ្រឿងបង្កឲ្យមានការផ្ទុះអាវុធនៅក្នុងភូមិសាស្ត្រខណ្ឌ៧ មករាជាច្រើនគ្រាប់ ផ្តើមចេញពីបញ្ហានេះក្រុមសមត្ថកិច្ចចម្រុះបានធ្វើការទំនាក់ទំនងតាម វិទ្យុទាក់ទង ពង្រាយកម្លាំង ដេញប្រតិបត្តិការឃាត់បានជាក់ស្តែងនៅចំណុចខាងលើ។
សមត្ថកិច្ចមិនទាន់និយាយជាផ្លូវការ ថាការកើតមានអំពើផ្ទុះអាវុធបង្កឲ្យមានភាពចលា ចលពេញរាជធានីភ្នំពេញ ផ្តើមចេញពីមូលហេតុអ្វីនៅឡើយទេ៕
ដោយ៖ ហេង នាង
