ឃាត់ខ្លួនបុរសម្នាក់ប្រើល្បិចក្លែងឯកសារឆរបោកលុយ
ភ្នំពេញ ៖ កាលពីវេលាម៉ោង ១០ព្រឹក ថ្ងៃទី២៧ ខែធ្នូ បុរសម្នាក់ត្រូវបានជនរងគ្រោះចាប់ ខ្លួនប្រគល់ឲ្យប៉ូលិសប៉ុស្តិ៍ទួល សង្កែ បន្ទាប់ពីរូបគេបានប្រើល្បិចក្លែងបន្លំឯកសារ ឆបោកយកប្រាក់ ចំនួន១០៥០ដុលា្លររួចមក ខណៈពេលរូបគេកំពុងជិះម៉ូតូឌុបនៅតាមផ្លូវព្រះមុនី វង្ស ត្រង់ចំណុចមុខពេទ្យកាល់ម៉ែត្រ សង្កាត់ស្រះចក ខណ្ឌដូនពេញ ។
ជនសង្ស័យឈ្មោះ ជា សំអុល ភេទប្រុស អាយុ៤៣ឆ្នាំ មានទីលំនៅភូមិបឹងសាឡាង សង្កាត់ឫស្សីកែវ ខណ្ឌឫស្សីកែវ។ ប្រភពពត៌មានជនរងគ្រោះបានឲ្យដឹងថា ជនសង្ស័យខាងលើនេះ បានលួចបន្លំធ្វើឯកសារ រត់ការកាន់កាប់ដីធ្លី នៅក្នុងសង្កាត់ស្វាយប៉ាត ឲ្យជនរងគ្រោះ ចំនួន២នាក់ មានឈ្មោះ សុខ លាង ភេទប្រុស អាយុ២០ឆ្នាំជាង និងឈ្មោះ គឹម សម្បត្តិ ភេទប្រុស អាយុ៣១ឆ្នាំ មានទីលំនៅភូមិលូ សង្កាត់ស្វាយប៉ាត ខណ្ឌឬស្សីកែវ។
បច្ចុប្បន្ន ជនសង្ស័យ កំពុងឃុំខ្លួនបណ្ដោះអាសន្ននៅអធិការដ្ឋាននគរបាលខណ្ឌឬស្សីកែវ ដើម្បីធ្វើការសាកសួរ និងកសាងសំណុំរឿងបញ្ជូនទៅតុលាការចាត់ការបន្ត ៕
ដោយ៖ ហេ ង នាង
