ជនសង្ស័យពីបទប្រើប្រាស់គ្រឿនញៀនម្នាក់ត្រូវសមត្ថកិច្ចចាប់ខ្លួន
ភ្នំពេញ៖ កាលពីវេលាម៉ោង០០យប៉ថៃ្ងទី២៧ ខែធ្នូ នគរបាលខណ្ឌដង្កោឃាត់ខ្លួនជន សង្ស័យម្នាក់ពីបទប្រើប្រាស់គ្រឿនញៀន ស្ថិតនៅចំនុចគល់ស្ពានថ្ម ភូមិម័ល ភ្លូវ២១៧សង្កាត់ដង្កោ ខណ្ឌដង្កោ។
នគរបាលខណ្ឌដង្កោបានឲ្យដឹងថាជនសង្ស័យដែលប្រើប្រាស់គ្រឿងញៀនត្រូវ សមត្ថកិច្ចឃាត់ខ្លួនបានមានឈ្មោះវឹង រ៉ាវី ភេទប្រុស អាយុ២៣ឆ្នាំមានមុខរបរជាកម្មករដើរឡានស្រាបៀរអាន់ឆ័រ រស់នៅភូមិក្នុងភូមិក្រាំងគល់ ឃុំ ខ្វាវ ស្រុកសំរោង ខេត្តតាកែវ។
មុនពេលឃាត់ខ្លួនជនសង្ស័យខាងលើនេះ ប៉ូលិសមូលដ្ឋានបានដើរល្បាត តាមផ្លូវដើម្បីការពារសន្តិសុខជូនប្រជាពលរដ្ឋ លុះល្បាតមកដល់ចំណុចខាងលើឃើញជនសង្ស័យជិះម៉ូតូឌុបម៉ាកហុងដាសេ១២៥ មួយ គ្រឿង នៅពេលនោះកម្លាំងសមត្ថកិច្ច បានឃាត់ម៉ូតូឲ្យ ឈប់ ដើម្បីធ្វើការត្រួតពិនិត្យ ឃើញជនសង្ស័យមានថ្នាំញៀនមួយ កញ្ចប់តូចពណ៌សរថ្លា។
បន្ទាប់មកកម្លាំង នគរបាលក៏ចាប់វាយខ្នោះជនសង្ស័យយកមកកាន់អធិការរដ្ឋាននគរបាលខណ្ឌដង្កោដើម្បី ធ្វើការសាកសួរនៅចំពោះមុខ សមត្ថកិច្ចជនសង្ស័យបាន សារភាព ថាខ្លួន ពិតជាបានទិញគ្រឿនញៀនពីគេម្នាក់ដែលមិនបានស្គាល់ឈ្មោះយកមកជក់មែន។
បច្ចុប្បន្នជនសង្ស័យត្រូវបានឃុំខ្លួន នៅអធិការដ្ឋាននគរបាលខណ្ឌដង្កោដើម្បីកសាងសុំណុំរឿងបញ្ជូនខ្លួន ទៅកាន់សាលាដំបូងរាជធានីភ្នំពេញចាត់ការតាមនីតិវិធីច្បាប់៕
ដោយ៖ ហេង នាង
