ស្រវឹងស្រាជិះម៉ូតូទៅបុកគល់អំពិលដួលបោកក្បាលរងរបួសធ្ងន់
ភ្នំពេញ ៖ កាលពីយប់ថ្ងៃទី២៥ ខែធ្នូ វេលាម៉ោង១១ និង១៥ នាទី មានបុរសម្នាក់ស្រវឹងស្រា ជិះម៉ូតូរេចង្កូតឡើងលើខឿនចិញ្ចើមផ្លូវ ទៅបុកគល់អំពិល បណ្តាលឲ្យដួលបោកក្បាល រងរបួសធ្ងន់ ស្ថិតនៅតាមវិថីព្រះស៊ីសុវត្ថិ ក្នុងសង្កាត់ស្រះចក ខណ្ឌដូនពេញ។
បុរសម្នាក់ស្រវឹងស្រាជិះម៉ូតូផ្លើស ពណ៌ក្រហម តាមវិថីព្រះស៊ីសុវត្ថិ ក្នុងទិសដៅពីជើងទៅ ត្បូង ខណៈមកដល់ចំណុចខាងលើ បានរេចង្កូតឡើងទៅលើខឿនចិញ្ចើមផ្លូវទៅបុកគល់ អំពិលហូបផ្លែ បណ្តាលឲ្យដួលបោកក្បាលរងរបួសធ្ងន់ ។
ក្រោយពេលកើតហេតុ ជនរងគ្រោះដឹកតាមរថយន្តសង្គ្រោះយកទៅព្យាបាល នៅមន្ទីរពេទ្យ កាល់ម៉ែត ចំណែកម៉ូតូ ត្រូវសមត្ថកិច្ចយកទៅរក្សាទុកឲ្យ នៅប៉ុស្តិ៍ស្រះចក ៕
ដោយ៖ ហេង នាង