អគាររដ្ឋបាលរបស់ក្រសួងប្រៃសណីយ៍សម្ពោធជាផ្លូវការនាព្រឹកនេះ
សារព័ត៌មាន Cambodia News/
ភ្នំពេញ (១៥ ធ្នូ ២០១៦) ៖ នៅព្រឹកថ្ងៃទី១៥ ខែធ្នូ ឆ្នាំ២០១៦ នេះ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជា និងសម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន នឹងអញ្ជើញជាអធិបតីភាពដ៏ខ្ពង់ខ្ពស់ ក្នុងពិធីសម្ពោធដាក់ឲ្យ ដំណើរការអគាររដ្ឋបាល របស់ក្រសួងប្រៃសណីយ៍ និងទូរគមនាគមន៍ដែលមានទីតាំងជាប់នឹងសាលារាជធានីភ្នំពេញ តាមបណ្តោយមហាវិថីព្រះមុនីវង្ស សង្កាត់ស្រះចក ខណ្ឌដូនពេញ។
បើយោងតាមការបញ្ជាក់របស់អគ្គនាយករដ្ឋបាល ក្រសួងក្រសួងប្រៃសណីយ៍ បានឲ្យដឹងថា អគាររដ្ឋបាលក្រសួងប្រៃសណីយ៍ និងទូរគមនាគមន៍ សាងសង់អស់តម្លៃ សរុបចំនួន ៧.៦៩៦.៣១២ ដុល្លារអាមេរិក។ អគាររដ្ឋបាលនេះ មានចំនួន ៣អគារ ក្នុងនោះអគារ A ខាងមុខ មានកម្ពស់ ៤ ជាន់, អគារ B មានកម្ពស់ ៥ ជាន់, អគារ C មានកម្ពស់ ៤ជាន់៕
