សម្ថកិច្ចចាប់ឃាត់ខ្លួនមុខសញ្ញាចោរលួចកាច់សោ.កម៉ូតូ ២នាក់
ភ្នំពេញ ៖ វេលាម៉ោង៤ទៀបភ្លឺ ឈានចូលថ្ងៃទី២៣ ធ្នូ ២០១២ បុរសក្មេង២នាក់ត្រូវ បានកម្លាំងសមត្ថកិច្ច ចាប់ខ្លួនពីបទសង្ស័យថាជនធ្លាប់ធ្វើសកម្មភាពលួចកាច់សោ.កម៉ូតូយក តាមទីសាធារណៈ នាពេលកន្លងមក នៅភូមិត្រពាំងឈូក សង្កាត់ទឹកថ្លា ខណ្ឌសែនសុខ។
ប៉ូលិស និយាយថា ការចាប់ខ្លួនជនជាប់ចោទទាំង២ខាងលើបានធ្វើឡើង ខណៈពេលជន ជាប់ចោទទាំង២នាក់កំពុងធ្វើដំណើររួមគ្នាដោយម៉ូតូមួយ គ្រឿងម៉ាកសង់សេរីឆ្នាំ២០១៣ ពណ៌ខ្មៅពាក់ស្លាកលេខភ្នំពេញ 1BD-4147 ហើយប៉ូលិសក៏បានឆែកឆេររកឃើញដែកអក្សរ T មួយនៅក្នុងហោប៉ៅពួកគេម្នាក់ក្នុងចំណោម២នាក់ដែល ដែលដែកអក្សរTនោះជា ឧបករណ៍សម្រាប់កាច់.កសោម៉ូតូ។
ជនជាប់ចោទ ទាំង២នាក់ឈ្មោះ ទូច ចាន់ រតនៈ អាយុ១៧ឆ្នាំ មានទីលំនៅភូមិពង្រ សង្កាត់ ចោមចៅ ខណ្ឌពោធិ៍សែនជ័យ និងម្នាក់ទៀតឈ្មោះ ឆន ស៊ីក្លូ អាយុ១៧ឆ្នាំ មានទីលំនៅភូមិ ទ្រា ខណ្ឌមានជ័យ៕
ដោយ៖ ហេង នាង
