បាតុកររាប់ពាន់នាក់ធ្វើបាតុកម្មនៅទីក្រុងបាងកក
ក្រុមបាតុកររាប់ពាន់នាក់បានមកជួបជុំ គ្នានៅតាមដងផ្លូវនាទីក្រុងបាងកកដើម្បីធ្វើការតវ៉ាប្រឆាំង រដ្ឋាភិបាល និង លោក ថាក់ស៊ីន ស៊ីណាវ៉ាត អតីតនាយករដ្ឋមន្ត្រីថៃដែលបាននិរទេសខ្លួន។
ក្រុមបាតុករមានការខឹងសម្បានឹងច្បាប់ថ្មីដែលគាំទ្រ ឲ្យរដ្ឋាភិបាល ដែលក្រុមបាតុករលើកឡើងថាច្បាប់នេះអាចជួយលោកថាក់ស៊ីនឲ្យត្រឡប់ ចូលស្រុកវិញបាន។
ក្រុមបាតុករ ដែលជាអ្នកគាំទ្រព្រះមហាក្សត្រថៃ បានអំពាវនាវឲ្យរដ្ឋាភិបាលបច្ចុប្បន្នចុះចេញពីតំណែង។
មានការ រឹតបន្តឹងសន្តិសុខនាទីក្រុងបាងកក ដោយអនុញ្ញាតឲ្យនគរបាលប្រើប្រាស់គ្រាប់កាំភ្លើងជ័រ និងកាណុងបាញ់ទឹកប្រសិនបើមានអំពើហិង្សាផ្ទុះឡើង៕ (Radio Australia)