ពលរដ្ឋបុរីកីឡាដាក់ញាត្តិសុំអន្តរាគមន៍ពីព្រះមហាក្សត្រ
ក្រុមពលរដ្ឋសហគមន៍បុរីកីឡា បានប្រមូលផ្តុំគ្នានៅមុខព្រះបរមរាជវាំង នៅព្រឹកថ្ងៃទី៨ កុម្ភៈ ២០១២ ដើម្បីដាក់ញត្តិ ស្នើសុំអន្តរាគមន៍ពីព្រះមហាក្សត្រ ចំពោះការបណ្ដេញចេញទាំងបង្ខំ កាលពីថ្ងៃទី៣ មករា ២០១២ ។
តំណាងពលរដ្ឋបុរីកីឡា អ្នកស្រី ទឹម សមុន្នី បាននិយាយថា ស្នាមមេដៃដែលដាក់ទៅកាន់ព្រះបរមរាជវាំង នាព្រឹកនេះ គឺដើម្បីស្នើសុំព្រះមហាក្សត្រ ជួយរកយុត្តិធម៌ដល់ពលរដ្ឋបុរីកីឡា ដែលត្រូវបណ្ដេញចេញដោយអយុត្តិធម៌។
នៅក្នុងញត្តិស្នាមមេដៃពលរដ្ឋបុរីកីឡា គឺស្នើសុំឲ្យរដ្ឋាភិបាល ជំរុញទៅក្រុមហ៊ុន ផានអ៊ីម៉ិច សាងសង់អគារឲ្យគ្រប់ចំនួន ១០ អគារ ដូចអ្វីដែលក្រុមហ៊ុនបានសន្យា ក្នុងពេលអភិវឌ្ឍន៍តំបន់បុរីកីឡា កាលពីឆ្នាំ២០០៤៕