លទ្ធផលបោះឆ្នោតក្នុងខេត្តកំពង់ឆ្នាំងត្រូវបានបក្សសមរង្សីបដិសេធ
លទ្ធផលនៃការបោះឆ្នោតព្រឹទ្ធសភាក្នុងខេត្តកំពង់ ថ្ងៃទី២៩ មករា នៅការិយាល័យបោះឆ្នោតលេខ៧០០៣ត្រូវបានប្រធានគណបក្សសមរង្ស៊ីប្រចាំខេត្តកំពង់ឆ្នាំងប្រកាសមិនទទួលស្គាល់ដោយចោទថា ដំណើរការរាប់សន្លឹកឆ្នោតមានភាពមិនប្រក្រតី។
ប្រធានគណបក្សសមរង្ស៊ីប្រចាំខេត្តកំពង់ឆ្នាំងលោក ដួង ចិន្ត្រា បានឲ្យដឹងថា គណបក្សសមរង្ស៊ីខេត្តកំពង់ឆ្នាំង ប្រកាសមិនទទួលស្គាល់ចំពោះលទ្ធផលនៃការបោះឆ្នោតនេះទេ។
ដោយលោកបានលើកឡើងថា ការបោះឆ្នោតនេះនៅមានចំណុចមិនប្រក្រតីជាច្រើនដូចជាការខុសគ្នារវាងចំនួនគំនូសលើក្ដារខៀន និងចំនួនសន្លឹកឆ្នោត និងការរាប់សន្លឹកឆ្នោតលឿនពេកជាដើម៕
