ម៉ូតូពីរគ្រឿងបុកគ្នារងរបួសមនុស្សម្នាក់
Cambodia News
ភ្នំពេញ ៖ កាលពីវេលាម៉ោង ២៣និង៣០នាទីយប់ ថ្ងៃទី១២ ខែមិនា មានម៉ូតូពីរគ្រឿងមួយប៉ះគ្នានៅលើកំណាត់ផ្លូវជាតិលេខ២ ចំណុចភូមិទួលរកា សង្កាត់ចាក់អង្រែក្រោម ខណ្ឌមានជ័យ បណ្តាលឲ្យដួលរងរបួសទាំងសងខាង។
មុនពេលកើតហេតុម៉ូតូទាំងពីរគ្រឿង មួយគ្រឿងម៉ាក ឃ្លីក ពណ៌ក្រហម និងមួយគ្រឿងទៀត ម៉ាកវីវ៉ា ពណ៌ខ្មៅ ត្រូវអ្នកបើកបរបើក ធ្វើដំណើរលើដងផ្លូវជាតិលេខ២ ក្នុងទិសដៅពីជើងទៅត្បូង ស្របគ្នា ហើយបានបុកគ្នាបណ្តាលឲ្យដួល រងរបួសទាំងសងខាង ប៉ុន្តែម្ចាស់ម៉ូតូឃ្លីករងរបួសធ្ងន់ជាង។
ក្រោយកើតហេតុ សមត្ថកិច្ចនគរបាលខណ្ឌមានជ័យបានវាស់វែងម៉ូតូទាំងពីរគ្រឿង ទៅរក្សាទុកនៅអធិការដ្ឋាននគរបាលខណ្ឌមានជ័យ ដើម្បីដោះស្រាយតាមច្បាប់៕ ហេង នាង
