វិស័យសុខាភិបាលមិនល្អបង្កឲ្យគ្រោះថ្នាក់សម្រាប់សង្គម
បច្ចុប្បន្នសុខភាពសាធារណៈនៅកម្ពុជា គឺជាបញ្ហាប្រឈមមួយក្នុងចំណោមបញ្ហាប្រឈមធំៗជាច្រើន ដែលបង្កឲ្យមានគ្រោះថ្នាក់ធំធេងសម្រាប់សង្គម។
ចំពោះប្រជាពលរដ្ឋខ្មែរក្រីក្រនៅកម្ពុជាពេលដែលមានជំងឺធ្ងន់ធ្ងរម្តងៗគ្មានលទ្ធភាពចេញទៅព្យាបាលនៅក្រៅប្រទេស គឺកំពុងប្រឈមនឹងបញ្ហាមិនប្រាកដប្រជានៃវិជ្ជាសុខាភិបាលក្នុងស្រុក។
ម្យ៉ាងទៀតការព្យាបាលមិនសូវមានប្រសិទ្ធិភាព ហើយមានតម្លៃខ្ពស់ និងភាពអនាធិបតេយ្យក្នុងការឃោសនា និងដាក់លក់ថ្នាំពេទ្យ ឬផលិតផលទាក់ទងនឹងសុខភាពកំពុងកើតមានពេញបន្ទុក។
ក្រៅពីនោះ គ្រូពេទ្យមួយចំនួនបានបំភ្លេចចោលនូវក្រមសីលធម៌វិជ្ជាជីវៈជាគ្រូពេទ្យ ដោយសម្លឹងឃើញប្រាក់ជាធំ ទាំងនេះហើយដែលជាគ្រោះថ្នាក់ដ៏ធំធេងសម្រាប់សង្គមកម្ពុជា៕
