កម្ពុជាធ្វើជាម្ចាស់ផ្ទះរៀបចំសន្និស ស្តីពីសិទ្ឋិទទួលបានយុត្តិធ៌មនៅអាស៊ី
សារព័ត៌មាន Cambodia News/
ភ្នំពេញ(១០ កុម្ភៈ នាព្រឹកថ្ងៃទី១០ ខែកុម្ភៈ នេះ កម្ពុជាបានទទួលធ្វើជាម្ចាស់ផ្ទះរៀបចំសន្និសីទលើកទី៣ ស្តីពីសិទ្ឋិទទួលបានយុត្តិធ៌មនៅអាស៊ី ដោយមានកិច្ចសហការពីសហព័ន្ធ គណៈមេធាវី(JFBA)ជប៉ុន និងគណៈមេធាវីនៃព្រះរាជាណាចក្រកម្ពុជា (BAKC) នៅសណ្ឋាគារសាន់វេ។
សន្និសីទនេះ ឧបត្ថម្ភដោយមជ្ឈមណ្ឌលផ្នែកច្បាប់(JICA)របស់ជប៉ុន ដោយមានការអញ្ជើចូលរួមបើកពីលោក ហ៊ី សោភា រដ្ឋលេខាធិការក្រសួងយុត្តិធ៌ម និង លោក ប៊ុន ហ៊ុន ប្រធានគណៈមេធាវីនៃព្រះរាជាណាចក្រកម្ពុជា ។
ថ្លែងនៅក្នុង សន្និសីទ លោក ប៊ុន ហុន ប្រធានគណៈមេធាវីនៃព្រះរាជាណាចក្រកម្ពុជា បានមានប្រសាសន៍ថា សន្និសីទទទួលបានយុត្តិធម៌ គឺជាសន្និសីទសេរីភាពជាមូលដ្ឋានដ៏សំខាន់បំផុតមួយដែលមានន័យថា ជាលទ្ធភាពបុគ្គលគ្រប់រូបអាចទទួលបាននូវការការពារ ដោះស្រាយវិវាទតាមរយៈមធ្យោបាយមួយដែលមានប្រសិទ្ធភាព បើទោះបីជាបុគ្គលនោះស្ថិតក្នុងវណ្ណៈសង្គមបែបណាក៏ដោយ។
លោក ប្រធានគណៈមេធាវីកម្ពុជា បញ្ជាក់ថា សន្និសីទនាពេលនោះគឺជាសន្និសីទដំបូងមួយសម្រាប់កម្ពុជា ដោយបានផ្តោតការយកចិត្តទុកដាក់ទៅលើការផ្តល់សេវាជំនួយផ្នែក ច្បាប់ដល់ជនក្រីក្រដែលបានអញ្ជើញវាគ្មិន និងអ្នកចូលរួមជាច្រើន ហើយបានផ្តល់អនុសាសន៍ល្អសម្រាប់កម្ពុជា ជាពិសេសសម្រាប់គណៈមេធាវីកម្ពុជាក្នុងការរៀបចំ និងអភិវឌ្ឍន៍សេវាជំនួយផ្នែកច្បាប់ដល់ជនក្រីក្រនៅទូទាំងប្រទេស។
គួរបញ្ជាក់ដែរថា នេះលើកទី៣ហើយដែលមជ្ឈមណ្ឌលផ្នែកច្បាប់របស់ជប៉ុនរៀបចំសន្និសីទនេះឡើង ដែលលើកទី១រៀបចំធ្វើនៅប្រទេសម៉ាឡេស៊ី និង លើកទី២នៅប្រទេសអូស្រ្តាលី ៕
