មន្ត្រីជាន់ខ្ពស់គណបក្ស Labour មួយរូបទៀតស្នើឲ្យលោក ខេវិន រ៉ាដ្ដ ចាកចេញពីសភា
មន្ត្រី ជាន់ខ្ពស់គណបក្ស Labour បានចូលរួមនៅក្នុងការអំពាវនាវឲ្យលោកអតីតនាយករដ្ឋមន្រ្តី អូស្រ្ដាលី Kevin Rudd លាឈប់ពីសភា។
លោក Brednan O’Connor បានប្រាប់ទូរទស្សន៍ Sky ថាវត្តមានរបស់លោក ខេវិន រ៉ាដ្ដ នៅក្នុងសភានឹងធ្វើឲ្យបេក្ខជនដែលនឹងក្លាយជាមេដឹកនាំគណបក្ស Labour មានការលំបាក។ អតីតសមាជិកសភាលោក Craig Emerson កាលពីយប់មិញនេះបានធ្វើការស្តីបន្ទោសលោករ៉ាដ្ដថាធ្វើឲ្យផ្ទៃ ក្នុងគណបក្សមានភាពរង្គោះរង្គើក្នុងពេលប៉ុន្មានឆ្នាំចុងក្រោយនេះ ហើយលោកទទូចឲ្យលោករ៉ាដ្ដ លាលែងចេញពីតួនាទីតំណាងរាស្រ្ដក្នុងសភាទាំងស្រុង។
ប៉ុន្តែ មន្ត្រីជាន់ខ្ពស់គណបក្ស Labour សំខាន់មួយរូបទៀតលោក Tony Burke ដែលជាអ្នករិះគន់លោក រ៉ាដ្ដ ដ៏ខ្លាំងផងដែរនោះមានប្រសាសន៍ថា វាអាស្រ័យទៅលើលោករ៉ាដ្ដខ្លួនឯងក្នុងការសំរេចចិត្តថាតើលោក ចង់ធ្វើអ្វីបន្ដទៀត។
សម្រាប់ លោក Tony Burke ខ្លួនឯង លោកថា នឹងមិនឈរឈ្មោះជាមេដឹកនាំគណបក្ស Labour ទេ ដោយទុកលទ្ធភាពឲ្យលោក Anthony Albanese ឬលោក Bill Shorten ជាអ្នកឈរឈ្មោះវិញ៕ (Radio Australia)