ស្ត្រីជនជាតិចិនម្នាក់ទៀត​​​ត្រូវបានចោទពីបទ​​បំផ្លាញព្រះឆាយា​​ល័ក្ខណ៍សម្តេចឪ

ដោយ៖ ហេង នាង

Cambodia Hews

ភ្នំពេញ៖ កាលពីថ្ងៃទី២៣ តុលា ២០១២ មានស្រ្តីជនជាតិ ចិនអ្នកគ្រប់គ្រងរោងចក្រម្នាក់ទៀតនៃរោងចក្រ ញូអា ឃីត ស្ថិតក្នុងខេត្ត កណ្តាល  ត្រូវបានក្រុមកម្មករចោទ ប្រកាន់ថា បានយករូបអតីតព្រះមហាក្សត្រនៅក្នុង ព្រះខែទៅហែកចោល។

តាមការឲ្យដឹងពីក្រុមកម្មករ ស្រ្តីជនជាតិចិនជាអ្នកគ្រប់ គ្រងរូបនោះបានខឹងសម្បា ដោយសារក្រុមកម្មករនាំគ្នា មើលរូបអតីតព្រះមហាក្សត្រនៅក្នុង ព្រះខែ ហើយបាន ទាញយករូបនោះពីក្រុមកម្មករទៅហែកចោល រួចបោះ ចូលក្នុងធុងសំរាម។

ទង្វើនេះបានធ្វើឲ្យក្រុមកម្មករខឹងសម្បារហូតដល់ផ្ទុះ ជាកូដកម្មទាមទារឲ្យស្រ្តីជនជាតិចិន រូបនោះធ្វើការ កោសក់ និងសុំទោសចំពោះព្រះឆាយាល័ក្ខណ៍អតីតព្រះ មហាក្សត្រ។ ប៉ុន្តែទោះជាយ៉ាងណាស្រ្តីជនជាតិចិនរូប នោះត្រូវបានសមត្ថកិច្ចបញ្ជូននគរបាលខេត្ត កណ្តាល បញ្ជូនទៅសាលាខេត្តកណ្តាលហើយ។

នេះគឺជាករណីទី២ហើយ បន្ទាប់ពីស្រ្តីជនជាតិចិនជាអ្នកគ្រប់គ្រងរោងចក្រថបវើលប្រមាថអតីតព្រះមហាក្សត្រ ដោយហែករូប ថតព្រះអង្គដូចគ្នា ហើយត្រូវបានតុលាការក្រុងភ្នំពេញកាត់ទោសកាលពីថ្ងៃទី២៣ តុលា ២០១២ នឹងត្រូវបញ្ចូនទៅប្រទេស ចិនវិញ។ តាមច្បាប់រដ្ឋធម្មនុញ្ញរបស់ប្រទេសកម្ពុជា ព្រះមហាវីរក្សត្រ ឬព្រះមហាក្សត្រ គឺជាអង្គដែលមិនអាចប៉ះពាល់បាន៕