បន្ទាប់បំផ្ទុះគ្រាប់បែកស្លាប់ជាង២០០នាក់ ស្រីលង្កាបិទFacebook និងWhatsapដើម្បីរារាំងព័ត៌មានក្លែងក្លាយ
សារព័ត៌មាន Cambodia News/
ស្រីលង្កា (២២ មេសា ២០១៩) ៖ កាលពីថ្ងៃអាទិត្យទី២១ ខែមេសា បន្ទាប់ពីការបំផ្ទុះគ្រាប់បែកភេរវកម្មជាបន្តបន្ទាប់ ដែលបានសម្លាប់មនុស្សជាង២០០នាក់រដ្ឋាភិបាលស្រីលង្កាបានរារាំងពលរដ្ឋរបស់ខ្លួនមិនឱ្យប្រើប្រាស់ប្រព័ន្ធផ្សព្វផ្សាយសង្គមនិងកម្មវិធីផ្ញើសារ។
បន្ទាប់ពីបម្រាមនេះ បណ្តាញទំនាក់ទំនងសង្គម Facebook,WhatsApp, Instagram, YouTube, Viber, Snapchat និង Facebook Messengerមិនអាចចូលទៅមើលឬប្រើបាននោះទេ។
ក្រុមមន្ត្រីរដ្ឋាភិបាលបាននិយាយថា ការបិទប្រព័ន្ធទំនាក់ទំនងសង្គមនៅក្នុងប្រទេសនេះគឺដើម្បីរារាំងការផ្តល់ព័ត៌មានមិនត្រឹមត្រូវនិងពាក្យចចាមអារ៉ាម។
កាលពីព្រឹកថ្ងៃអាទិត្យទី២១ខែមេសា គ្រាប់បែក៨គ្រាប់ ត្រូវបានបំផ្ទុះជាបន្តបន្ទាប់នៅព្រះវិហារនិងសណ្ឋាគារលំដាប់ផ្កាយ៥ជាច្រើនកន្លែង នៅទីក្រុងកូឡុំបូ ដោយបានសម្លាប់មនុស្ស២០៧នាក់ ដោយរួមទាំងជនជាតិអង់គ្លេស៥នាក់ ហើយរបួស៤៥០នាក់ ៕
