បទវិភាគ៖ពង្រឹងការគ្រោងផែនការនិងកសាង”បណ្តាញចំនួន៦” ដើម្បីបង្កើតមូលដ្ឋានគ្រឹះដ៏រឹងមាំនៃសេដ្ឋកិច្ចចិន
Cambodia News
ពេលថ្មីៗកន្លងទៅនេះ កិច្ចប្រជុំនៃការិយាល័យនយោបាយនៃគណៈកម្មាធិការមជ្ឈិមបក្សកុម្មុយនីស្តចិននិងកិច្ចប្រជុំជាប្រចាំនៃក្រុមប្រឹក្សាកិច្ចការរដ្ឋចិនជាដើមបានកំណត់យ៉ាងច្បាស់លាស់ជាបន្តបន្ទាប់ថា ត្រូវពង្រឹងការគ្រោងផែនការនិងកសាងបណ្តាញធារាសាស្ត្រ បណ្តាញអគ្គិសនីបែបថ្មី បណ្តាញcomputing power បណ្តាញទូរគមនាគមន៍ជំនាន់ថ្មី បណ្តាញបំពង់ក្រោមដីក្នុងទីក្រុងនិងបណ្តាញឡូជីស្ទិក ដោយដាក់បញ្ចូល ”បណ្តាញទាំង៦”នេះទៅក្នុងការរៀបចំចាត់ចែងកំពូលរបស់រដ្ឋ ។
មុនដំបូង សូមផ្តោតលើបណ្តាញធារាសាស្ត្រ ។ ចាប់តាំងពីឆ្នាំនេះមក គម្រោងសំខាន់ៗនៃបណ្តាញធារាសាស្ត្រជាតិ ដូចជា គម្រោងកែលម្អដោយទំនើបកម្មនូវប្រព័ន្ធតំបន់ស្រោចទឹកនិងគម្រោងរំដោះនិងបង្វែរទឹកសំខាន់ៗជាដើមបានចាប់ផ្តើមសាងសង់ជាបន្តបន្ទាប់ បន្តសម្រេចបានលំហូរទឹកពេញខ្សែនៃព្រែកជីកក្រុងប៉េកាំង-ហាងចូវ ទន្លេ Yongding និងទន្លេ Xiliao សាងសង់រួចជាមូលដ្ឋាននូវគម្រោងបង្វែរទឹកពីទន្លេយ៉ាងសេទៅកាន់ទន្លេហាននៅកំណាត់កណ្តាលនៃគម្រោងផ្ទេរទឹកពីភាគខាងត្បូងទៅខាងជើងរបស់ប្រទេសចិន ហើយពន្លឿនការបង្កើតនិម្មាបនកម្មរៀបចំចាត់ចែងធនធានទឹកឱ្យមានតុល្យភាពពោលគឺ”ផ្ទេរទឹកពីតំបន់ខាងត្បូងទៅតំបន់ខាងជើង បំពេញបន្ថែមគ្នារវាងតំបន់ខាងកើតនិងខាងលិច” ។
អំពីបណ្តាញទូរគមនាគមន៍ជំនាន់ថ្មី គ្រឿងទន់និងគ្រឿងរឹងកំពុងលើកកម្ពស់លំដាប់ថ្នាក់ក្នុងពេលដំណាលគ្នា ហើយការពន្យារពេលនៃការបញ្ជូនសញ្ញាតាមរយៈផ្លូវអាកាសនិងដីត្រូវបានកាត់បន្ថយយ៉ាងខ្លាំង ។ ក្នុងអំឡុងពេល”ផែនការអភិវឌ្ឍន៍ជាតិ៥ឆ្នាំទី១៥” បណ្តាញ”ជីហ្គាប៊ីតពីរ”នឹងវិវត្តទៅកាន់”១០ជីហ្គាប៊ីតពីរ”៖ កសាងស្ថានីយមូលដ្ឋាន5G-Aចំនួ
ន៥០ម៉ឺនកន្លែង ។ សេវា 6G ត្រូវបានរំពឹងថានឹងដាក់ឱ្យប្រើប្រាស់ផ្នែកពាណិជ្ជកម្មនៅប្រហែលឆ្នាំ២០៣០ ដោយមានប្រសិទ្ធភាពខ្ពស់និងសមត្ថភាពតភ្ជាប់កើនឡើងជាង ១០ ដងទៀត ។ នឹងបាញ់បង្ហោះផ្កាយរណបគន្លងទាបរាប់ពាន់គ្រាប់ ដើម្បីសម្រេចបាននូវការគ្របដណ្តប់ដោយគ្រប់ជ្រុងជ្រោយទាំងផ្លូវអវកាស ដីនិងសមុទ្រ ។ ក្នុងរយៈពេល ៥ ឆ្នាំខាងមុខនេះ អាចបង្កើតឱកាសការងារដោយផ្ទាល់ជាង ១ លាន ដោយជំរុញការអភិវឌ្ឍប្រកបដោយគុណភាពខ្ពស់នៃឧស្សាហកម្មដូចជា សេដ្ឋកិច្ចឌីជីថល សេដ្ឋកិច្ចដែនអាកាសទាបនិងបញ្ញាសិប្បនិម្មិត Embodied Intelligence ជាដើម ។
បណ្តាញអគ្គិសនីបែបថ្មី គឺជា ”សរសៃឈាមលំដាប់កំពូល”នៃថាមពល ។ ខ្សែបញ្ជូនតង់ស្យុងខ្ពស់ដោយចរន្តផ្ទាល់ចំនួន១៥ខ្សែបានដាក់ឱ្យប្រើប្រាស់ ដោយឆ្លងកាត់ភ្នំនិងសមុទ្រ បញ្ជូនថាមពលប្រព័ន្ធ PV ថាមពលខ្យល់នៅវាលស្មៅនិងទឹកហូរយ៉ាងខ្លាំងពីជ្រលងភ្នំ ទៅកាន់មជ្ឈមណ្ឌលបន្ទុកនៅតំបន់ភាគខាងកើតនិងកណ្តាលជាបន្តបន្ទាប់ ដើម្បីធ្វើឱ្យសមាមាត្រថាមពលបៃតងឡើងដល់កម្រិតថ្មីទៀត ។
លើសពីនេះទៅទៀត ក៏មានបណ្តាញបំពង់ក្រោមដីក្នុងទីក្រុងផងដែរ ។ ផ្ទៃខាងក្នុងនៃទីក្រុងនានាទូទាំងប្រទេសចិនដែលមានប្រវែងជិត ៣៩០ ម៉ឺនគីឡូម៉ែត្រ កំពុងត្រូវបានកែលម្អយ៉ាងឆាប់រហ័ស ប្រព័ន្ធ AI និងប្រព័ន្ធផ្តល់ភេរវសញ្ញាវៃឆ្លាតក្លាយជា”មជ្ឈមណ្ឌលសរសៃប្រសាទ” ដោយរកឃើញដោយទាន់ពេលវេលានូវហានិភ័យដែលទើបតែលេចចេញ ។ នេះជាការការពារដែលលាក់កំបាំងជ្រៅក្រោមដី ដែលនឹងនាំមកនូវអារម្មណ៍សុវត្ថិភាពយ៉ាងប្រាកដប្រជា ។
បណ្តាញឡូជីស្ទិកទំនើបកំពុងបំបែករបាំងប្រពៃណី ។ វេទិកាទិន្នន័យធំខាងឡូជីស្ទិកថ្នាក់ជាតិបានរៀបចំចាត់ចែងផ្លូវថ្នល់ ផ្លូវដែក ផ្លូវទឹក និងផ្លូវអាកាស ដើម្បីស្វែងរកផ្លូវដ៏ល្អបំផុតសម្រាប់ទំនិញ ដោយសម្រេចបាន”ការដឹកជញ្ជូនទំនិញតាមរយៈកុងតឺន័រមួយដល់ទីបញ្ចប់ ដឹកជញ្ជូនតាមរយៈលិខិតអនុញ្ញាតមួយដល់ទីបញ្ចប់” ដែលធ្វើឱ្យសេដ្ឋកិច្ចចិនមានភាពរលូនថែមទៀត ។
ទីបំផុត គឺបណ្តាញcomputing powerដែលមានអត្ថន័យជាយុទ្ធសាស្ត្រ ។ នៅឆ្នាំនេះ បរិមាណប្រើប្រាស់ឯកតាទិន្នន័យ(Token)ជាមធ្យមប្រចាំថ្ងៃរបស់ចិនបានលើសពី ១៤០ ទ្រីលាន ដែលស្មើនឹងជាង ១០០០ ដងបើធៀបនឹងរយៈពេលពីរឆ្នាំមុន ហើយទំហំcomputing powerសរុបកំពុងកើនឡើងឥតឈប់ឈរ ។ ខ្សែកាបអុបទិកស្នូលនៃគម្រោង”បញ្ឈរនិងផ្ដេកចំនួន៨ថ្មី” កំពុងលាតសន្ធឹងតាមបណ្តោយខ្សែផ្លូវដែកល្បឿនលឿន បណ្តាញនេះបានបើកដំណាក់កាលវិនិយោគថ្នាក់ទ្រីលានយាន់ ដោយជំរុញយ៉ាងខ្លាំងដល់កំណើនល្បឿនលឿននៃឧស្សាហកម្មដូចជា ទូរគមនាគមន៍តាមខ្សែកាបអុបទិក និងម៉ាស៊ីនបម្រើបញ្ញាសិប្បនិម្មិតជាដើម ។
មានបណ្តាញក្នុងទឹក មានបណ្តាញក្រោមដី និងមានបណ្តាញនៅលើអាកាស…បណ្តាញទាំង៦នេះគឺឈរលើមូលដ្ឋានគ្រឹះនាពេលបច្ចុប្បន្ន តែសម្លឹងមើលទៅអនាគតដ៏វែងឆ្ងាយ ។ កិច្ចសហប្រតិបត្តិការរវាងបណ្តាញជាច្រើនបានបំពេញបន្ថែមកង្វះខាតនៃហេដ្ឋារចនាសម្ព័ន្ធ ធ្វើឱ្យប្រព័ន្ធទំនើបកម្មមានសុក្រឹតភាព ដើម្បីផ្តល់ការគាំទ្រដ៏រឹងមាំដល់ការពង្រីកតម្រូវការផ្ទែក្នុង លំនឹងកំណើននិងផ្តល់ផលប្រយោជន៍ដល់ជីវភាពរស់នៅរបស់ប្រជាជន ។ នេះគឺជាទីបង្អែកនៃការអភិវឌ្ឍប្រកបដោយគុណភាពខ្ពស់របស់ប្រទេសចិន ៕
