លោកជំទាវ ឱ វណ្ណឌីន ពន្យល់ពីស្ថានភាពនៃជំងឺអុតស្វានៅលើសាកលលោក

ភ្នំពេញ ៖ លោកជំទាវ ឱ វណ្ណឌីន រដ្ឋលេខាធិការ និងជាអ្នកនាំពាក្យក្រសួងសុខាភិបាល បានរៀបចំនូវអត្ថបទមួយ​ដើម្បី​ពន្យល់​ពី​ស្ថាន​ភាពនៃជំងឺអុតស្វា ដែលបានកើតឡើងលើសាកលលោក ដោយ​ផ្តើមចេញពីប្រទេសអង់គ្លេស។

តាមរយៈអត្ថបទ លោកជំទាវបញ្ជាក់ថា រហូតមកដល់ពេលនេះ មិនទាន់មានករណីសង្ស័យ ឬ ករណីវិជ្ជមានជំងឺអុតស្វានេះ នៅកម្ពុជានៅឡើយទេ។

លោកជំទាវក៏​បានអំពាវនាវដល់ប្រជាជនដែលរស់នៅក្នុងព្រះរាជាណាចក្រកម្ពុជា ត្រូវមានការប្រុងប្រយ័ត្នខ្ពស់ជាប់ជានិច្ច ដោយបុគ្គល គ្រួសារ និងសហគមន៍ ត្រូវបន្តអនុវត្តវិធានការបង្ការជំងឺផ្ទាល់ខ្លួន។

លោកជំទាវបានជំរុញឲ្យយកចិត្តទុកដាក់ពិនិត្យមើលឱ្យបានហ្មត់ចត់ នូវអ្នកដំណើរចូលមកកម្ពុជា ដែល​មាន​កន្ទួល​រមាស់​នៅ​លើ​ខ្លួន​ អមដោយមានគ្រុនក្តៅ និងមានប្រវត្តិធ្វើដំណើរមកពីបណ្តាប្រទេសប៉ែកខាងអាហ្វ្រិក (ប្រមាណជា ១០ប្រទេស) ដែលមានការកើតឡើងនូវជំងឺអុតស្វា (Monkeypox) បែបជាអង់ដេមី ហើយត្រូវរាយការណ៍ទៅអាជ្ញាធរសុខាភិបាលភ្លាមៗ ឬទៅលេខ ១១៥៕

​