លោក កឹម សុខា ទៅដល់តុលាការហើយ
សារព័ត៌មាន Cambodia News /
ភ្នំពេញ(១៤ មករា ២០១៤)៖ នៅព្រឹកថ្ងៃទី១៤ ខែមករានេះ លោក កឹម សុខា អនុប្រធានគណបក្សសង្គ្រោះជាតិបានទៅដល់តុលាការហើយដើម្បីឆ្លើយបំភ្លឺ ទាក់ទងនឹងអំពើហិង្សានិងការបង្កភាពវឹកវរសង្គម។ មនុស្សម្នាជាច្រើនរាប់ទាំងអ្នកកាសែត អ្នកគាំទ្រ និង តំណាងអង្គការជាតិនិងអន្តរជាតិផងបាននាំគ្នាទៅតាមដានការសាកសួរនេះ។
មុនចូលបំភ្លឺ លោក កឹម សុខា មានប្រសាសន៍ទៅកាន់អ្នកគាំទ្រជាច្រើនរយនាក់នៅមុខសាលាដំបូងរាជធានី ភ្នំពេញថា លោកមិនមានការភ័យខ្លាចឡើយ ព្រោះលោកមិនមានកំហុសដូចការលើកឡើងរបស់តុលាការឡើយ។
ជាមួយគ្នានោះដែរ គេសង្កេតឃើញមានក្រុមសន្តិសុខសាលារាជធានីភ្នំពេញ ប្រមាណជាង១០នាក់ បានទៅឈរក្បែរប្រជាពលរដ្ឋដែលទៅគាំទ្រលោក កឹម សុខា ប៉ុន្តែត្រូវបានលោកស្រី មួរ សុខហួរ បេក្ខជនជាប់ឆ្នោតតំណាងរាស្ត្រគណបក្សសង្គ្រោះជាតិ និងពលរដ្ឋ បណ្តេញចេញឲ្យចូលទៅ ក្នុង ពហុកីឡាដ្ឋានជាតិអូឡាំពិក។
គណបក្សសង្គ្រោះជាតិធ្លាប់និយាយថាលោក ស៊ូបេឌីនឹងអមដំណើរមេដឹកនាំទាំងពីររូប ទៅតុលាការដើម្បីការសាកសួរនេះ ប៉ុន្តែ លោក ស៊ូរិយ៉ា ស៊ូបូឌី តំណាងពិសេសសហប្រជាជាតិទទួលបន្ទុកសិទ្ធិមនុស្សមិនត្រូវបាន គេឃើញធ្វើដំណើរអមមេដឹកនាំគណបក្សប្រឆាំងឬក៏មានវត្តមាននៅតុលាការនៅឡើយទេ៕
