ប្រធានាធិបតីអាមេរិកស្វាគមន៍សម្តេចតេជោ ហ៊ុន សែន និងមេដឹកនាំអាស៊ាន ដោយភាពស្និទ្ធស្នាល និងកក់ក្តៅបំផុត
សារព័ត៌មាន Cambodia News/
ថ្ងៃចេញផ្សាយៈ May 13, 2022/
អាមេរិក ៖ ម្ដេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃព្រះរាជាណាចក្រកម្ពុជា និងជាសហប្រធាននៃកិច្ចប្រជុំ កំពូលអាស៊ាន-អាមេរិករួមនឹងប្រមុខដឹកនាំអាស៊ានទាំងអស់ត្រូវបានទទួលគារវកិច្ចស្វាគមន៍យ៉ាងកក់ក្ដៅបំផុតដោយពីលោក Joh Bidenប្រធានាធិបតីសហរដ្ឋអាមេរិកនៅសេតវិមាន(White House)។
ពិធីទទួលស្វាគមន៍ ដោយមានរៀបចំទទួលទានអាហាររួបគ្នានៅក្នុងសេតវិមាន ត្រូវបានធ្វើឡើងនៅល្ងាចថ្ងៃទី១២ ខែឧសភា ឆ្នាំ២០២២ (ម៉ោងនៅទីក្រុងវ៉ាស៊ីនតោន)។
តាមរយៈវីដេអូ និងរូបភាព ដែលបានផ្សព្វផ្សាយយ៉ាងព្រោងព្រាតលើបណ្តាញផ្សព្វផ្សាយលើពិភពលោក គេបានឃើញលោកប្រធានាធិបតី ចូ បៃដិន បង្ហាញនូវកាយវិការប្រកបដោយភាពរាក់ទាក់ និងស្និទ្ធស្នាលបំផុត ចំពោះវត្តមានរបស់សម្តេចតេជោ ហ៊ុន សែន ដែលជាសហប្រធាននៃកិច្ចប្រជុំកំពូលពិសេសអាស៊ាន-អាមេរិក ក៏ដូចជាសមាជិកអាស៊ានដទៃទៀត៕
