រដ្ឋមន្ត្រីក្រសួងព័ត៌មាន កោតសរសើរស្នាដៃសៀវភៅស្តីពី រាជរដ្ឋាភិបាលកម្ពុជា សង្គ្រាមដណ្តើមជីវិតពលរដ្ឋពីមាត់ជ្រោះមរណៈ”កូវីដ១៩”របស់លោក ឆាយ សុផល
សារព័ត៌មាន Cambodia News/
ថ្ងៃចេញផ្សាយៈ September 6, 2021
ភ្នំពេញ៖ រដ្ឋមន្ត្រីក្រសួងព័ត៌មាន ឯកឧត្តម ខៀវ កាញារីទ្ធ បានសម្តែងការកោតសរសើរស្នាដៃសៀវភៅស្តីពី រាជរដ្ឋាភិ បាលកម្ពុជា សង្គ្រាមដណ្តើមជីវិតពលរដ្ឋពីមាត់ជ្រោះមរណៈ«កូវីដ-១៩»ដែលជាស្នាដៃនិពន្ធរបស់លោក ឆាយ សុផល អនុរដ្ឋលេខាធិការក្រសួង ព័ត៌មាន និងជាទីប្រឹក្សាជាន់ខ្ពស់ក្លិបអ្នកកាសែតកម្ពុជា។
សូមជម្រាបថា កាលពីថ្ងៃទី៣ ខែកញ្ញា ឆ្នាំ២០២១ លោកឆាយ សុផល បានចូលជួបសម្តែងការគួរសមនិងជូនសៀវភៅស្តីពីរាជរដ្ឋាភិបាលកម្ពុជា សង្គ្រាមដណ្តើមជីវិតពលរដ្ឋពីមាត់ជ្រោះមរណៈ«កូវីដ-១៩ »ដល់ឯកឧត្តម ខៀវ កាញារីទ្ធ រដ្ឋមន្ត្រីក្រសួងពត៌មាននៅទីស្តីការក្រសួង។
នាឱកាសនោះឯកឧត្តម ខៀវ កាញារីទ្ធបានថ្លែងនូវការកោតសរសើរចំពោះស្នាដៃថ្មីរបស់លោកឆាយ សុផល និងចាត់ទុកការរៀបចំចងក្រងជាសៀវភៅនេះ មានសារសំខាន់ណាស់ ដើម្បីបង្ហាញពីកិច្ចខិត ខំប្រឹងប្រែងរបស់រាជរដ្ឋាភិ បាល ពិសេសសម្តេច ហ៊ុន សែន ក្នុងការទប់ស្កាត់កុំឱ្យជំងឺកូវីដ ឆ្លងកាន់តែច្រើន ដែលធ្វើប្រជាជនបាត់បង់អា យុជីវិត តាមរយ:ការរកវ៉ាក់ សាំងមកចាក់ជូនប្រជាជន នៅទូទាំងប្រទេស ដើម្បីឱ្យមានភាពសុំាក្នុងសហគមន៍។
លោក ឆាយ សុផល បានបញ្ជាក់ថា សៀវភៅដែលយកមកជូន ឯកឧត្តមរដ្ឋមន្ត្រី នាពេលនេះ មានចំនួន ៥០ ច្បាប់ ព្រមទាំងជូនដល់គ្រប់អគ្គនាយកដ្ឋានចំណុះឱ្យក្រសួងព័ត៌មាន ម្នាក់១ច្បាប់ផងដែរ។ លោកបន្ថែមថាសៀវភៅនេះ គឺមានខ្លឹមសារបង់បង្ហាញពីប្រមុខរាជរដ្ឋាភិបាលកម្ពុជា ពិសេសសម្តេចនាយករដ្ឋមន្ត្រី ហ៊ុន សែន ក្នុងកិច្ចខិតខំប្រឹងប្រែងប្រយុទ្ធប្រឆាំងជំងឺកូវីដ-១៩ ចាប់តាំងពីជំងឺនេះ កើតមានឡើង ពីថ្ងៃទី ៣០ ខែធ្នូ ឆ្នាំ២០១៩ រហូត ដល់ថ្ងៃទី១ ខែសីហា ឆ្នាំ២០២១ ដោយក្នុងនោះ សម្តេចបានខិតខំស្វែងរកនូវវ៉ាក់សាំងបង្ការជំងឺកូវីដ មកចាក់ជូនប្រជាជន ដើម្បីដណ្តើមជីវិតប្រជាពលរដ្ឋពីមច្ចុរាជ កូវីដ-១៩ ។
លោក ឆាយ សុផល បានបញ្ជាក់ទៀតថា សៀវភៅស្តីពី រាជរដ្ឋាភិបាលកម្ពុជា សង្គ្រាមដណ្តើមជីវិតពលរដ្ឋពីមាត់ ជ្រោះមរណៈ«កូវីដ-១៩» ភាគទី១ នេះ ជាជំហានដំបូង ចែកជូនសម្រាប់បណ្ណាល័យ មហាវិទ្យាល័យ និងដាក់នៅបណ្ណាល័យជាតិ ហើយក៏មានលក់ខ្លះនៅបណ្ណាគារផងដែរ៕
