ថ្ងៃនេះកម្ពុជា ស្ថិតក្រោមឥទ្ធិពលសម្ពាធទាបមួយ នៃប្រព័ន្ធសម្ពាធទាប (ITCZ)
សារព័ត៌មាន Cambodia News/
ថ្ងៃចេញផ្សាយៈ August 27, 2021
ភ្នំពេញ ៖ នៅព្រឹកថ្ងៃទី២៧ ខែសីហានេះ មន្ត្រីជំនាញក្រសួងធនធានទឹក និងឧតុនិយមបានឲ្យដឹងថា សម្ពាធទាបនៃប្រព័ន្ធសម្ពាធទាប (ITCZ) មួយកំពុងស្ថិត នៅពីលើ ប្រទេសកម្ពុជា ធ្វើឱ្យផ្ទៃមេឃ នៅពេលព្រឹក មានសភាពអួរអាប់ និងអាច បង្កឱ្យមាន ភ្លៀងធ្លាក់ច្រើន នាពេលរសៀលមានពន្លឺថ្ងៃក្តៅខ្លាំងបន្តិច។
លោក ចាន់ យុត្ថា អ្នកនាំពាក្យ និងជារដ្ឋលេខាធិការ ក្រសួងធនធានទឹក និងឧតុនិយម បានបញ្ជាក់ថា ប្រព័ន្ធសម្ពាធទាប ដែលរំកិលមកគង លើប្រទេសកម្ពុជា អាចនឹងទៅចាប់ជាប់ ជាមួយនឹងសម្ពាធទាបមួយ នៅក្បែរប្រទេសហ្វីលីពីន។ ប្រព័ន្ធសម្ពាធទាបថ្មីនេះអាចស្ថិតនៅឡើងចុះលើតំបន់មេគង្គលើច្រើនថ្ងៃ នៅពេលខាងមុខ។
ក្រសួងធនធានទឹក និងឧតុនិយម នៅថ្ងៃទី២៤ ខែសីហា ឆ្នាំ២០២១ បានជូនដំណឹង ស្តីពីការព្យាករ ស្ថានភាពអាកាសធាតុ សម្រាប់ពីថ្ងៃទី២៥ ដល់ថ្ងៃទី៣១ ខែសីហាថាៈ ក្នុងសប្តាហ៍នេះ ព្រះរាជាណាចក្រកម្ពុជា ទទួលឥទ្ធិពល ពីជ្រលងសម្ពាធទាបឥណ្ឌា កម្រិតខ្លាំង នឹងអាចកើតមាន ជ្រលង សម្ពាបទាប ITCZ សារជាថ្មីឡើងវិញ៕
