លោក ហ៊ុន សែន ក្លាយជាប្រធានស្តីទីគណបក្សប្រជាជនកម្ពុជា
សារព័ត៌មាន Cambodia News/
ភ្នំពេញ (០៩ មិថុនា ២០១៥) ៖ លោក សួស យ៉ារ៉ា អ្នកនាំពាក្យគណបក្សប្រជាជនកម្ពុជា បានថ្លែឲ្យដឹងនាយប់ថ្ងៃទី០៨ ខែមិថុនា ថា តាមគោលការណ៍គណបក្ស ពេលនេះ លោក ហ៊ុន សែន អនុប្រធានគណបក្សប្រជាជនកម្ពុជា ត្រូវឡើងជាប្រធានស្តីទីនៃគណបក្សប្រជាជនកម្ពុជា ហើយគណៈកម្មាធិការកណ្តាលគណបក្សប្រជាជនកម្ពុជា នឹងរៀបចំបោះឆ្នោតធ្វើជាប្រធានជាផ្លូវការនាពេលខាងមុខនេះ។
លោក សួស យ៉ារ៉ា បានថ្លែងយ៉ាងដូច្នោះ បន្ទាប់ពី លោក ជា ស៊ីម ប្រធានគណបក្សប្រជាជនកម្ពុជា បានទទួលមរណភាពនៅម៉ោង ៣៖៤៥នាទី រសៀល ថ្ងៃទី៨ ខែមិថុនា ឆ្នាំ២០១៥ ក្នុងជន្មាយុ ៨៣ឆ្នាំ ដោយជរាពាធ ។
អ្នកនាំពាក្យគណបក្ស ប្រជាជនកម្ពុជារូបនោះបានបន្ថែមថា ការបោះឆ្នោតជ្រើសរើសប្រធានគណបក្សប្រជាជនកម្ពុជា នឹងធ្វើឡើងដោយគណៈកម្មាធិការកណ្តាល គណបក្សប្រជាជនកម្ពុជាក្នុងពេលឆាប់ៗនេះ ហើយការបោះឆ្នោតជ្រើសរើស អនុប្រធានគណបក្សក៏ដូច្នេះដែរ៕
