ក្រុមអ្នកជំនាញអំពាវនាវឲ្យផ្អាកការបង្កើតអាវុធថ្មីដែលមានសណ្ឋានដូចមនុស្សយន្ត
ក្រុមអ្នកជំនាញ បានធ្វើការអំពាវនាវដល់អង្គការសហប្រជាជាតិ ឲ្យផ្អាកការបង្កើតអាវុធថ្មីដែលមានសណ្ឋានដូចមនុស្សយន្ត។
អាវុធដែលមានសណ្ឋានដូចមនុស្សយន្តទាំងនេះ ត្រូវបានបង្កើតឡើងដោយមានបញ្ចូលកម្មវិធីដើម្បីសម្លាប់ ឬបំផ្លាញដោយស្វ័យប្រវត្តិ ហើយមនុស្សមិនអាចគ្រប់គ្រងបានទេ នៅពេលអាវុធយន្តនេះចូលប្រយុទ្ធក្នុងសមរភូមិ។
បច្ចេក វិទ្យាថ្មីនេះកំពុងមានការរីកចម្រើន នៅសហរដ្ឋអាម៉េរិក ចក្រភពអង់គ្លេស និងប្រទេសអ៊ីស្រាអែល ហើយក្រុមអ្នកការពារសិទ្ធិមនុស្ស កំពុងធ្វើការអំពាវនាវឲ្យបញ្ឈប់ការផលិតអាវុធទាំងនោះនៅទូទាំងពិភព លោក។
អ្នករាយការណ៍ពិសេសរបស់អង្គការសហប្រជាជាតិ លោក Christof Heyns បាននិយាយថាអាវុធទាំងនោះ មិនគួរបំពាក់ប្រព័ន្ធ ដែលផ្តល់ថាមពលជីវិត លើសពីមនុស្សជាតិឡើយ៕ (Radio Australia)