អូស្ត្រាលីប្រកាសផ្ដល់មូលនិធិជាង២សែនដុល្លារសម្រាប់បញ្ចៀសពិការភាពភ្នែកនៅតំបន់អាស៊ី-ប៉ាស៊ីហ្វិក
កាលពីថ្ងៃទី០២ ខែឧសភានេះ លោក Bob Carr រដ្ឋមន្ត្រីការបរទេសអូស្ត្រាលីប្រកាសថា រដ្ឋាភិ បាលអូស្ត្រាលីនឹងផ្ដល់មូលនិធិដល់អង្គការអូស្ត្រាលីចំនួន ពីរដើម្បីជួយបញ្ចៀសពិការភាពភ្នែកនៅក្នុងបណ្ដាប្រទេសកំពុង អភិវឌ្ឍន៍នៅតំបន់អាស៊ី-ប៉ាស៊ីហ្វិក។
ក្នុង សេចក្ដីប្រកាសព័ត៌មាន របស់ក្រសួងការបរទេសអូស្ត្រាលី បានឲ្យដឹងទៀតថា លោករដ្ឋមន្ត្រីការបរទេសអូស្ត្រាលីមានប្រសាសន៍ថា អង្គការទាំងពីរនោះនឹងទទួលបានថវិកាសរុបចំនួន ២សែន ៥ម៉ឺន ៤ពាន់ដុល្លារ សម្រាប់គ្រាំទ្រដល់ការអភិវឌ្ឍន៍ជំនាញវិជ្ជាជីវៈ និងជំនាញសុខភាពភ្នែក ដល់សមាគមចំនួន ២០នៅក្នុងតំបន់ ដែលរួមមាន ប្រទេសហ្វីជី, កម្ពុជា, ឥណ្ឌា, ឡាវ, មីយ៉ាន់ម៉ា, ប៉ាពូអាស៊ីនូវែលហ្គីណេ, ប៉ាគីស្ថាន និងវៀតណាម៕((Radio Australia)