សម្ដេចតេជោ ៖ ព្រឹត្តិការណ៍សហគមន៍២៨ វិច្ឆិកា មិនទាន់បិទបញ្ចប់នោះទេ តែគ្រប់គ្រងបានហើយ
សារព័ត៌មាន Cambodia News/
ភ្នំពេញ (១៥ ធ្នូ ២០២០) ៖ ក្នុងឱកាស ថ្លែងសារពិសេស ជូនជនរួមជាតិពាក់ព័ន្ធ នឹងស្ថានភាពជំងឺកូវីដ-១៩ និងការទិញវ៉ាក់សាំងជំងឺកូវីដ-១៩ នៅព្រឹកថ្ងៃទី១៥ ខែ ធ្នូ ឆ្នាំ២០២០ នេះ សម្តេចតេជោ ហ៊ុន សែន នាយករដ្ឋមន្ត្រីកម្ពុជា បានប្រកាសថា ព្រឹត្តិការណ៍សហគមន៍២៨ វិច្ឆិកា មិនទាន់បិទបញ្ចប់នោះទេ តែយើងគ្រប់គ្រងបានហើយ ។
សម្តេចតេជោ ហ៊ុន សែន បញ្ជាក់ថា ស្ថានភាពនេះមិនដូចនឹងព្រឹត្តិការណ៍ ៣វិច្ឆិកានោះទេ ដោយសារនៅមានមូលហេតុមួយចំនួន ដូចជាការនៅមិនទាន់ដឹងអស់អំពីទីកន្លែងដែលអ្នកជំងឺកូវីដ១៩ បានទៅដល់ជាដើម។
សូមជម្រាបជូនថា នៅព្រឹកនេះកម្ពុជាបន្តរកឃើញករណីវិជ្ជមានកូវីដ១៩ថ្មីដែលពាក់ព័ន្ធនឹងព្រឹត្តិការណ៍សហគមន៍វិច្ឆិកា ដែលកើតឡើងលើកុមារជនជាតិខ្មែរ អាយុ១ឆ្នាំ នៅសង្កាត់និរោធ ដែលត្រូវជាកូនប្រុសរបស់ស្រ្តីផ្ទុកកូវីដ១៩ រកឃើញនៅថ្ងៃទី២៩វិច្ឆិកា៕
