ចាប់ពីថ្ងៃទី១៧-១៩ ខែតុលា ឥទ្ធិពលព្យុះ«សូដែល» នឹងគ្រប់ដណ្ដប់លើកម្ពុជា
សារព័ត៌មាន Cambodia News/
ភ្នំពេញ (១៦ តុលា ២០២០) ៖ កាលពីម្សិលមិញ ក្រសួងធនធានទឹក និងឧតុនិយម បានឲ្យដឹងថា ប្រព័ន្ធសម្ពាធទាប នឹងរំកិលចូលមកសមុទ្រចិនខាងត្បូង ហើយវិវត្តខ្លួនជាបន្តបន្ទាប់ទៅជាព្យុះទី ១៧ ឈ្មោះ សូដែល (SAUDEL) ដោយនឹងធ្វើដំណើរចូលមកប៉ែកខាងលើភាគខាងត្បូងប្រទេសវៀតណាម នៅថ្ងៃទី ១៧ តុលា ២០២០ ហើយបានថមថយឥទ្ធិពលទៅជាវិសម្ពាធ និងសម្ពាធទាប នៅពេលចូលមកប្រទេសកម្ពុជា។
ស្ថានភាពបែបនេះធ្វើឱ្យអាកាសធាតុនៅកម្ពុជាចាប់ពីថ្ងៃទី ១៧ ដល់ ថ្ងៃទី ១៩ តុលា ២០២០ នៅតាមបណ្តាខេត្តនៅតំបន់វាលទំនាប តំបន់ជាប់ជួរភ្នំដងរែក នឹងមានភ្លៀងធ្លាក់ពីបង្គួរទៅច្រើន និងតំបន់មាត់សមុទ្រ នឹងមានខ្យល់បោកបក់ខ្លាំ រួមជាមួយរលកសមុទ្រឃ្ពស់ៗ។ ជាមួយគ្នានេះ ក្រសួងក៏បានក្រើនរំលឹកឱ្យប្រុងប្រយ័ត្នចំពោះជំនន់ទឹកភ្លៀងផងដែរ៕
