ចំនួនអ្នកឆ្លង COVID-19 នៅហ្វីលីពីនកើនលើស៩,០០០នាក់
សារព័ត៌មាន Cambodia News/
ម៉ានីល ៖ ក្រសួងសុខាភិបាលហ្វីលីពីន កាលពីម្សិលមិញ បានប្រកាសពីការរកឃើញ COVID-19 ២៩៥ករណីថ្មី នាំឱ្យចំនួនអ្នកឆ្លងសរុបនៅទូទាំងប្រទេស កើនដល់ ៩,២២៣នាក់។ នេះបើតាមការចេញផ្សាយដោយទីភ្នាក់ងារព័ត៌មាន Reuters។
បើតាមក្រសួងការសុខាភិបាលហ្វីលីពីន ចំនួនអ្នកស្លាប់ដោយសារ COVID-19 ក៏បានកើនដល់ ៦០៧នាក់ ផងដែរ ក្រោយអ្នកស្លាប់ថ្មី៤នាក់បន្ថែមទៀត ត្រូវបានរាយការណ៍ ក្នុងរយៈពេល២៤ម៉ោងចុងក្រោយ។ ក្រសួងបន្ថែមថា អ្នកជំងឺជាសះស្បើយថ្មីមាន៩០នាក់ ធ្វើឱ្យអ្នកជាសះស្បើយសរុបកើនដល់ ១,២១៤នាក់៕
