សម្តេចតេជោ ប្រតិកម្មនឹងសារព័ត៌មានវៀតណាម ដែលចុះផ្សាយពីការរឹតបន្តឹងសុខភាពពលរដ្ឋខ្មែរ
សារព័ត៌មាន Cambodia News/
ភ្នំពេញ (៩ មីនា ២០២០) ៖ ក្នុងពិធីសម្ពោធផ្លូវជាតិលេខ៥៥ និងបើកការដ្ឋានផ្លូវជាតិលេខ១០ នាព្រឹកថ្ងៃទី១០ ខែមីនា ឆ្នាំ២០២០នេះ សម្តេចនាយករដ្ឋមន្រ្តី ហ៊ុន សែន បានបញ្ចេញប្រតិកម្មទៅនឹងសារព័ត៌មានវៀតណាម VNA ដែលផ្សាយអំពីការរឹតបន្តឹងរបស់វៀតណាម មកលើសុខភាពពលរដ្ឋខ្មែរដែលធ្វើដំណើរចូលទៅក្នុងប្រទេសនេះ។
សម្តេច បានថ្លែងយ៉ាងដូច្នេះថា៖ «សារព័ត៌មាន VNA របស់វៀតណាម បានចុះផ្សាយយ៉ាងអាក្រក់ពីកម្ពុជា។ គណៈការពារសុខភាពរបស់វៀតណាម គេណែនាំឱ្យមានការពង្រឹងសុវត្ថិភាពនៃការចេញចូលប្រទេស។ ប៉ុន្តែបែរជាសារព័ត៌មាន VNA ថា រឹតបន្តឹងចំពោះពលរដ្ឋដែលមកពីប្រទេសអឺរ៉ុប និងកម្ពុជា។ អ៊ីចឹងកម្ពុជា វាចូលក្នុងចំណាត់ថ្នាក់ ដែលត្រូវវៀតណាមដាក់ ឱ្យនៅជាមនុស្សចម្លែក»។
សម្តេច ហ៊ុន សែន បន្ថែមថា សម្តេចបានប្រាប់ឱ្យរដ្ឋមន្រ្តីការបរទេសកម្ពុជា ធ្វើការតវ៉ាទៅវៀតណាម ជុំវិញការផ្សាយព័ត៌មានខាងលើនេះផងដែរ។ «បើមិនដកទេ (ព័ត៌មាន) សូមធ្វើកំណត់ទូត តវ៉ាជាមួយវៀតណាមតែម្តង»៕
