សម្តេច ហ៊ុន សែន ប្រកាសដកក្រុមហ៊ុន ស៊ិនទ្រី មកឲ្យរដ្ឋគ្រប់គ្រងបណ្តោះអាសន្នវិញ
សារព័ត៌មាន Cambodia News/
ភ្នំពេញ (២២ តុលា ២០១៩) ៖ ដោយសារតែកន្លងមកក្រុមហ៊ុនមួយនេះបានរងនូវការរិះគន់យ៉ាងខ្លាំងពីប្រជាពលរដ្ឋ សម្តេចនាយករដ្ឋមន្ត្រី ហ៊ុន សែន បានប្រកាសដកហូតក្រុមហ៊ុន ស៊ិនទ្រី ដែលជាក្រុមហ៊ុនប្រមូលសំរាមដ៏ធំនៅកម្ពុជា ដើម្បីយកមកឲ្យរដ្ឋគ្រប់គ្រងបណ្តោះអាសន្នវិញ ។
សម្តេចប្រកាសបែបនេះនៅក្នុងឱកាសដែលអញ្ជើញជាអធិបតីភាពដ៏ខ្ពង់ខ្ពស់ប្រគល់សញ្ញាបត្រដល់និស្សិតនៃសាកលវិទ្យាល័យ បៀលប្រាយ នាព្រឹកថ្ងៃទី២២ ខែតុលានេះ នៅមជ្ឈមណ្ឌលសន្និបាត និងពិព័រណ៍កោះពេជ្រ។
តាមសម្តេច ហ៊ុន សែន បញ្ជាក់ថា នឹងមានការរៀបចំឲ្យមានជាតំបន់សម្រាប់ប្រមូលសំរាម ហើយប្រកាសដេញថ្លៃដែលធ្វើយ៉ាងនេះយើងនឹងអាចមានលទ្ធភាពក្នុងការប្រមូលសំរាម ខណៈដែលបញ្ហាសម្រាមកាន់តែច្រើនឡើងៗ នាពេលបច្ចុប្បន្ននេះ ៕
