មនុស្ស ៧៧នាក់ដែលរំលោភលើច្បាប់ហាមពាក់ម៉ាស់មុខក្នុងទីក្រុងហុងកុងត្រូវបានចាប់ខ្លួន
សារព័ត៌មាន Cambodia News/
ហុងកុង (៩ តុលា ២០១៩) ៖ នគរបាលហុងកុងបានប្រាប់អ្នកយកព័ត៌មានកាលពីថ្ងៃអង្គារថា មនុស្ស ៧៧នាក់ត្រូវបានចាប់ខ្លួនពីបទបំពានលើច្បាប់ ប្រឆាំងការពាក់ម៉ាស់មុខដែលត្រូវបានអនុម័តកាលពីចុងសប្ដាហ៍។
ច្បាប់នេះត្រូវបានគេដាក់ចេញក្រោមអំណាចគ្រាអាសន្ន ដែលត្រូវបានអំពាវនាវដោយមេដឹកនាំហុងកុងលោកស្រី Carrie Lam ក្នុងគោលបំណងដើម្បីបង្ក្រាបការតវ៉ាតាមដងផ្លូវ ដែលមានអំពើហិង្សាជាញឹកញាប់នៅក្នុងទីក្រុងនេះ។
នគរបាលនិយាយថា ក្រុមអ្នកតវ៉ាបានដុតអគារ និងបានគប់គ្រាប់បែកភ្លើងទៅលើមន្ត្រីកាលពីចុងសប្ដាហ៍ ខណៈអ្នកផ្សេងទៀតបានវាយប្រហារលើសមាជិកសាធារណៈ ដែលមានទស្សនៈខុសៗគ្នាពីពួកគេ។
នគរបាលបានប្រាប់អ្នកយកព័ត៌មានថា មានមនុស្ស ៧៤នាក់ត្រូវបានចាប់ខ្លួនពីបទប្រើម៉ាស់បិទមុខក្នុងពេលតវ៉ា ខណៈពេលដែលមនុស្ស ៣នាក់ផ្សេងទៀតត្រូវបានចាប់ខ្លួន ពីបទមិនប្រតិបត្តិតាមនៅពេលដែលនគរបាល បញ្ជាអោយពួកគេដោះម៉ាស់មុខចេញ>
