អ្នកជំងឺកំណកកោសិកាទទួលប្រយោជន៍ពីប្រេងខ្លាញ់ត្រី និង Omega 3 ខ្ពស់
ការស្រាវជ្រាវថ្មីមួយរបស់ប្រទេស អូស្ត្រាលី បានបង្ហាញថា អ្នកជំងឺដែលទទួលរងការបំផ្លាញប្រព័ន្ធប្រសាទទាក់ទងនឹងការកករឹង កោសិកាខួរក្បាលឬសរសៃខ្នង (Multiple Sclerosis) អាចទទួលប្រយោជន៍បាន ពីអាហារដែលមានប្រេងខ្លាញ់ត្រីខ្ពស់ និងការទទួលទានបន្ថែមគ្រាប់ថ្នាំ Omega ៣។
ឯកសារមួយដែលបានចេញផ្សាយក្នុងទស្សនាវដ្តីអន្តរជាតិ (International Journal) ស្តីពីប្រសាទ្ធសាស្ត្រ បានបង្ហាញថា អ្នកជំងឺដែលទទួលរងការបំផ្លាញប្រពន្ធ័ប្រសាទ មានភាពប្រសើរឡើង និងអាចមានអាយុវែង បន្ទាប់ពីពួកគាត់ទទួលទានអាហារ ដែលមានប្រេងខ្លាញ់ត្រីខ្ពស់ និងទទួលទានថ្នាំបំប៉នសារធាតុ Omega ៣ ។
សាស្ត្រាចារ្យ George Jelinek នៃសាកលវិទ្យាល័យ Monash បានធ្វើការសិក្សាលើអ្នកជំងឺប្រភេទនេះ ជាង ២ ០០០នាក់ មកពីប្រទេស ៥៧ប្រទេស ។ អ្នកជំងឺដែលទទួលប្រយោជន៍ខ្លាំងជាងគេនោះ គឺបណ្តារអ្នកជំងឺ ដែលបានទទួលទានសារជាតិប្រេងដែលមានក្នុងគ្រាប់របស់រុក្ខជាតិមួយ ចំនួនដូចជាកប្បាស ដែលជាប្រភពសារធាតុម្យ៉ាង មានក្នុងថ្នាំ Omega ៣៕(Radio Australia)
