សម្តេចតេជោ អញ្ជើញសំណេះសំណាលជាមួយសិស្សនិទ្ទេសA ឆ្នាំ២០១៩ ចំនួន៤៤៣ នាក់
សារព័ត៌មាន Cambodia News/
ភ្នំពេញ (៧ តុលា ២០១៩) ៖ នៅព្រឹកថ្ងៃទី៧ ខែតុលា ឆ្នាំ២០១៩ សម្តេចតេជោនាយករដ្ឋមន្ត្រី ហ៊ុន សែន បានអញ្ជើញជួបសំណេះសំណាលជាមួយសិស្សប្រឡង ជាប់បាក់ឌុបទទួលនិទ្ទេសA ចំនួន៤៤៣នាក់។
ក្នុងពិធីសំណេះសំណាលនោះ សិស្សនិទ្ទេសAម្នាក់ៗទទួលបានថវិកា ២ លាន រៀល Ipad ១ គ្រឿង ( តម្លៃ ៤៨០ ដុល្លារ ) និងសៀវភៅ ម្នាក់១ក្បាល របស់លោកតាក្រមង៉ុយ និងបណ្ឌិត អ៊ូ ចុង ស្តីពី ច្បាប់មាតាបិតា។
ដោយឡែកនាយកសាលាចំនួន១៨៨នាក់ ដែលអមដំណើរសិស្សឆ្នើមប្រឡងជាប់ បាក់ឌុបទទួលបាននិទ្ទេសA ទទួលបាន សៀវភៅ១ ថវិកាផ្ទាល់ខ្លួន១លានរៀល និង ថវិកាសម្រាប់សាលានីមួយៗ ចំនួន១៨៨សាលា ដោយ១សាលា ទទួលបានថវិកា៣ លានរៀល។
សូមបញ្ជាក់ថាលទ្ធផលនៃការប្រឡងបាក់ឌុបសម័យប្រឡងថ្ងៃទី១៩ សីហា ឆ្នាំ ២០១៩ គឺមានបេក្ខជនប្រឡងជាប់បាក់ឌុប ចំនួន៧៩,០៥២នាក់ ត្រូវជា៦៨,៦២% ( បើ ប្រៀបធៀប នឹង ឆ្នាំ ២០១៨ ចំនួន ៦៧,០៧% ) ក្នុងនោះបេក្ខជនដែល ទទួលបាន និទ្ទេស A មាន ចំនួន ៤៤៣ នាក់ ( ឆ្នាំ ២០១៨ ចំនួន៤០៨ នាក់ ) និទ្ទេសBមាន ចំនួន ២,៤៣០នាក់ ( ឆ្នាំ ២០១៨ ចំនួន ២,២២២ នាក់ ) និទ្ទេសC មានចំនួន៥,៨៤៧នាក់ ( ឆ្នាំ ២០១៨ មាន ចំនួន ៦,០៤១នាក់ ) និទ្ទេសD មានចំនួន១៤,១០០នាក់ ( ឆ្នាំ ២០១៨ ចំនួន ១៥,១៨០នាក់ ) និងនិទ្ទេសE មាន ចំនួន៥៦,២៣២នាក់ ( ឆ្នាំ ២០១៨ ចំនួន ៥២,១៨៣នាក់ ) ។
