ថៅកែឌែរម៉ូគ្លីនិកត្រូវបានបញ្ជូនខ្លួនទៅតុលាការរឿងដេរព្រហ្មចារី និងថតរូបអាក្រាតគំរាមទារលុយ
សារព័ត៌មាន Cambodia News/
ភ្នំពេញ (៤ មករា ២០១៩) ៖ នៅព្រឹកថ្ងៃទី០៤ ខែមករា ឆ្នាំ២០១៩ នេះ កងរាជអាវុធហត្ថ បាននាំខ្លួនអ្នកស្រី ហូវ ដាណេ នាយិកា ឌែរម៉ូគ្លីនិក និងជាកូនប្រសាសសេដ្ឋីថៃ ទៅសាលាដំបូងរាជធានីភ្នំពេញ ដើម្បីឲ្យព្រះរាជអាជ្ញាធ្វើការសាកសួរក្នុងសំណុំរឿងដេរប្រដាប់ភេទស្ត្រីម្នាក់ (ដេរហ្ស៊ីន) ក្នុងតំលៃ៧០០ដុល្លារ ប៉ុន្តែបែរជាទារលុយដល់ទៅ ២៨០០០ដុល្លារ ហើយស្ត្រីដែលដេរប្រដាប់ភេទគ្មានលុយអោយ ដោយសារខុសពីតម្លៃព្រមព្រៀងគ្នា។
ដោយសារតែស្ត្រីរូបនោះ គ្មានលុយឲ្យ ទើបថៅកៃឌែរម៉ូគ្លីនិក គម្រាមថា បើមិនឲ្យលុយទេនឹងបញ្ចេញវិដេអូអាក្រាតរបស់ស្ត្រីដែលដេរប្រដាប់ភេទ។ មូលហេតុនេះហើយបានជាស្ត្រីរួបនោះបានដាក់ពាក្យប្តឹងទៅប៉េអឹមលើផ្ទៃប្រទេស។ ភាគច្រើនស្ត្រី ដែលចូលទៅព្យាបាលកែសម្ជស្សនៅ ឌែរម៉ូគ្លីនិក គឺសុទ្ធតែជាអ្នកមានទ្រព្យសម្បត្តិស្តុកស្តម្ភ និងជាពិសេសតារាល្បីៗ៕
