សម្ដេច ហ៊ុន សែន ដឹកនាំគណៈប្រតិភូទៅចូលរួមពិព័រណ៍ចិន-អាស៊ាន

សារព័ត៌មាន​​​ Cambodia News/

រាជធានីភ្នំពេញ (១០ កញ្ញា ២០១៨) ៖ នៅព្រឹកថ្ងៃទី១០ ខែកញ្ញា ឆ្នាំ២០១៨នេះ សម្តេចតេជោ ហ៊ុន សែន នាយករដ្ឋមន្ត្រី នៃកម្ពុជា ដឹកនាំគណៈប្រតិភូជាន់ខ្ពស់ចាកចេញក្រៅប្រទេសជាលើកដំបូង ក្រោយរាជរដ្ឋាភិបាលថ្មីបង្កើតបានតែ៤ថ្ងៃប៉ុណ្ណោះ ដើម្បីទៅចូលរួមពិធីតាំងពិព័រណ៍ចិន-អាស៊ានលើកទី១៥ នៅទីក្រុងណានីង តំបន់ស្វយ័តក្វាងស៊ី ប្រទេសចិន។

ក្រសួងការបរទេស និងសហប្រតិបត្តិការអន្តរជាតិ បានឲ្យដឹងថា ការតាំងពិព័រណ៍ចិន-អាស៊ាន ដែលតែងតែធ្វើឡើងជារៀងរាល់មួយឆ្នាំម្តងនេះ ចាប់ផ្តើមពីថ្ងៃទី១០-១២ ខែកញ្ញា ឆ្នាំ២០១៨៕