លោក ខេមរៈ សិរីមន្ត បង្ហាញមុខ កូនស្រីជាទីស្រលាញ់ ជាលើកដំបូង
សារព័ត៌មាន Cambodia News/
កម្រាន្ត (០៣ កញ្ញា ២០១៨) ៖ តាមរយៈគណនីហ្វេសប៊ុករបស់ខ្លួន តារាតារាចម្រៀងលោក ខេមរៈ សេរីមន្ដ នៅព្រឹកថ្ងៃទី០៣ ខែកញ្ញានេះ បានបង្ហោះរូបភាពបណ្ដើរកូនស្រីទៅរៀន ដោយបញ្ចេញស្នាមញញឹមស្រស់ អមនឹងសារដ៏មានន័យថា ៖ “ជូនសំណព្វចិត្តទៅរៀនថ្ងៃដំបូង” បានធ្វើឱ្យអ្នកគាំទ្រជាច្រើន មានការភ្ញាក់ផ្អើល។
សារនិងរូបភាព នេះបានហាក់បង្ហាញយ៉ាងច្បាស់ ពីទំហំទឹកចិត្តនៃការស្រលាញ់របស់លោកចំពោះកូនស្រី ហើយបើទោះជាលោក រវល់ខ្លាំងយ៉ាងណា ក៏ប៉ាៗគំរូរូបនេះ នៅតែសុខចិត្តឆ្លៀតពេលជូន កូនស្រីបណ្ដូលចិត្តទៅចូលរៀនថ្ងៃដំបូងដែរ។
គួររម្លឹកដែលថា លោក ខេមរៈ សិរីមន្ត បានរៀបអាពាហ៍ពិពាហ៍កាលពីឆ្នាំ២០០៩ និងមានកូនៗចំនួនបីនាក់ ហើយបច្ចុប្បន្នលោក និងក្រុមគ្រួសារកំពុងរស់នៅក្នុងជីវភាពដ៏សម្បូរបែបទៀតផង»៕
