សម្តេចហ៊ុនសែន ៖ រាជរដ្ឋាភិបាលថ្មីនឹងបង្កើតឡើងនៅថ្ងៃទី ២០ ខែកញ្ញាខាងមុននេះ
សារព័ត៌មាន Cambodia News/
រាជធានីភ្នំពេញ (២ សីហា ២០១៨) ៖ សម្ដេចនាយករដ្ឋមន្ត្រី ហ៊ុន សែន បានថ្លែងក្នុងពិធីជួបសំណេះសំណាលជាមួយកម្មករនិយោជិតប្រមាណជាង១ ម៉ឺន ក្នុងខណ្ឌមានជ័យ ភូមិត្រពាំងថ្លឹង សង្កាត់ចោមចៅ ខណ្ឌពោធិសែនជ័យ នាព្រឹកថ្ងៃទី២ ខែសីហានេះថា សមាជិកសភានីតិកាលទី ៦ នឹងធ្វើសច្ចាប្រណិធាននៅល្ងាចថ្ងៃទី១៩កញ្ញាខាងមុខក្រោយពីគណៈ កម្មាធិការជាតិរៀបចំការបោះ ឆ្នោត (គ.ជ.ប) ប្រកាសលទ្ធផលនិងបែងចែកអាសនៈជាផ្លូវការ។
សម្តេចតេជោ ហ៊ុន សែន បានបញ្ជាក់ថា តាមការគ្រោងទុករាជរដ្ឋាភិបាលថ្មីនិងបង្កើតឡើងនៅថ្ងៃទី ២០ កញ្ញា ឆ្នាំ ២០១៨ខាងមុខ ហើយល្ងាចឡើងត្រូវស្បថចូលកាន់តំណែង។ នៅព្រឹកថ្ងៃទី ២១កិច្ចប្រជុំគណៈ រដ្ឋមន្ត្រីថ្មីនឹងត្រូវធ្វើឡើង ។
សម្ដេចតេជោ ហ៊ុន សែន បានបន្តថាក្រោយពីធីស្បថចូលកាន់តំណែងរួចរាល់ប្រធានរដ្ឋសភានឹងកោះអញ្ជើញក្រុមអ្នកតំណាងរាស្ត្រទាំងអស់មកបើកកិច្ចប្រជុំនៃអាណត្តិថ្មីរបស់ខ្លួនដើម្បីពិភាក្សាការងារនៅថ្ងៃទី ២១ ខែ កញ្ញា៕
