សម្តេចតេជោ ហ៊ុន សែន លើកទឹកចិត្តពលរដ្ឋទៅបោះឆ្នោតឲ្យបានគ្រប់ៗគ្នា
សារព័ត៌មាន Cambodia News/
រាជធានីភ្នំពេញ (៦ កក្តដា ២០១៨) ៖ សម្ដេច ហ៊ុន សែន នាយករដ្ឋមន្ត្រីកម្ពុជានៅថ្ងៃនេះ បានសរសេរក្នុងបណ្ដាញ ទំនាក់ទំនងសង្គមហ្វេសប៊ុករបស់សម្តេចថា “ថ្ងៃបើកយុទ្ឋនាការ ឃោសនា បោះឆ្នោតផ្លូវការ គឺនឹងមកដល់នៅថ្ងៃសៅរ៍ទី ៧ កក្កដានេះហើយ។ រីឯចំពោះ គណបក្សប្រជាជនយើងវិញ ការប្រារព្ឋខួបកំណើតបក្សលើកទី ៦៧ ក៏នឹងប្រារព្ឋធ្វើនៅថ្ងៃសៅរ៍ ខាងមុខនេះដែរ។
តើបងប្អូនបានរៀបចំនិងត្រៀមខ្លួនហើយ ឬនៅ? ខ្ញុំរំភើបនឹងសប្បាយ រីករាយ ជាខ្លាំងដែលបានឃើញជនរួមជាតិ និងក្មួយៗ សស្រាក់សស្រាំគ្រប់ៗគ្នា ចាប់តាំង ពីទីក្រុងដល់ជនបទ ដោយទឹកមុខសប្បាយរីករាយរង់ចាំថ្ងៃដ៏សំខាន់បំផុត សម្រាប់ប្រទេសជាតិ ដែលនឹងមកដល់ឆាប់ៗក្នុងខែកក្កដានេះ។ ខ្ញុំសូមលើកទឹកចិត្តបងប្អូន ទៅបោះឆ្នោតអោយបានគ្រប់ៗគ្នា ដើម្បីប្រទេសជាតិយើងទាំងអស់គ្នា”។
សម្ដេច ហ៊ុន សែន បានបញ្ជាក់បន្ថែមថា ជម្រើសដ៏ល្អបំផុតគឺសូមបងប្អូនបោះឆ្នោត អោយគណបក្សប្រជាជនកម្ពុជា លេខរៀងទី ២០ នៅថ្ងៃបោះឆ្នោត ២៩ កក្កដា ២០១៨ ខាងមុខនេះ ៕
