វាយប្រហារដោយគ្រឿងផ្ទុះ និងបាញ់រះនៅដ្ឋធានីសូម៉ាលីស្លាប់២០នាក់
សារព័ត៌មាន Cambodia News/
សូម៉ាលី (២២ មករា ២០១៦) ៖ ប៉ូលិសសូម៉ាលីគូសបញ្ជាក់ មានការផ្ទុះមួយបន្ទាប់មកមានការបាញ់ប្រហារយ៉ាងខ្លាំងកើតមានកាលពីថ្ងៃទី២១ មករា នៅមុខភោជនីយដ្ឋានមួយស្ថិតនៅទល់មុខមាត់សមុទ្រនៃទីក្រុងម៉ូហ្គាឌីស្យូ រដ្ឋធានីសូម៉ាលី មកដល់ព្រឹកថ្ងៃទី២២ មករា មានមនុស្សស្លាប់យ៉ាងតិច២០នាក់ ហើយ២០នាក់ទៀតរងរបួស ។
យោងតាមអ្នកទទួលខុសត្រូវប៉ូលិសម្នាក់ថា ក្រោយការផ្ទុះ ពួកជនប្រដាប់អាវុធបានលុកចូលក្នុងភោជនីយដ្ឋាន ហើយចាប់ភ្ញៀវទាំងឡាយជាចំណាប់ខ្មាំង ។ កងកម្លាំងប៉ូលិសបានធ្វើការវាយលុកដើម្បីកម្ទេចពួកអ្នកវាយប្រហារ ហើយឡោមព័ទ្ធទីនោះរហូតដល់ព្រឹក ។
ការវាយប្រហារនេះប្រកាសទទួលខុសត្រូវតាមវិទ្យុ ដោយពួកឧទ្ទាមអ៊ិស្លាមនិយម AL CHABAB មានទំនាក់ទំនងជាមួយអាល់កៃដា ។ ពួក AL CHABAB ដែលចង់ផ្តួលរំលំរដ្ឋាភិបាលសូម៉ាលី គាំទ្រដោយសហគមន៍អន្តរជាតិតែងធ្វើការវាយប្រហារក្នុងរដ្ឋធានីសូម៉ាលី ចេញពីបណ្តាទីតាំងពួកគេនៅភាគកណ្តាល និងភាគខាងត្បូងប្រទេសដែលពួកគេត្រួតត្រាតំបន់ជនបទដ៏ធំល្វឹងល្វើយ ៕
