សម្តេច ហ៊ុន សែន ប្រកាសមិនស្វាគមន៍ហិង្សាក្នុងគ្រោះថ្នាក់ចរាចរណ៍
សារព័ត៌មាន Cambodia News/
ភ្នំពេញ (២១ មិនា ២០១៨) ៖ នាយករដ្ឋមន្ត្រីកម្ពុជា បានប្រកាសមិនស្វាគមន៍ករណីប្រើហិង្សាក្នុងករណី គ្រោះថ្នាក់ចរាចរណ៍នោះទេ ហើយត្រូវថ្កោលទោសដោយម៉ឺងម៉ាត់បំផុត ព្រោះសម្តេចមិនត្រូវ ការការប្រមូលប្តុំមនុស្ស ដើម្បីវ៉ៃសម្លាប់មនុស្សនោះទេ ។ ការថ្លែងរបស់សម្តេច គឺសំដៅទៅលើ ការប្រើហិង្សាកាលពីប៉ុន្មានថ្ងៃមុន ដែលក្រុមមនុស្សបានព្រួតគ្នាវ៉ៃលោក ស៊ុយ សារ៉េ បណ្តាល ឲ្យរងរបួសធ្ងន់ធ្ងរ ។
សម្តេច ហ៊ុន សែន មានប្រសាសន៍ថា ត្រូវពិនិត្យករណីនោះឲ្យមិនទែន យើងមិនគួរឲ្យ មានស្ថានភាពមែននេះនោះទេ ហើយនេះមិនមែនជាសីលធម៌របស់មនុស្សទេ ។ សម្តេចថា យើងត្រូវនាំគ្នាបញ្ជៀសកុំឲ្យមានការសម្លាប់មនុស្សក្រៅប្រព័ន្ធឲ្យសោះ ។ ប៉ុន្តែត្រូវបន្តតាមចាប់ ខ្លួនជនដៃដល់យកមកផ្តន្ទាទោស ។
សម្តេចក៏បានសម្តែងនូវការសោកស្តាយ និងឈឺចាប់ចំពោះករណីហិង្សាទៅលើលោក ស៊ុយ សារ៉េត នាពេលកន្លងទៅ ហើយអំពាវនាវឲ្យរួមគ្នាខិតខំរក្សាសន្តិភាពដែលរកបានដោយ លំបាក ។ សម្តេចថា សន្តិភាពជារឿងមួយហើយតែត្រូវមានសន្តិភាព សណ្តាប់ធ្នាប់សង្គម ថែមទៀត ៕
