សម្តេចតេជោ ៖ កម្ពុជាអាចរៀនសូត្រពីឥណ្ឌា លើផ្នែកបច្ចេកវិទ្យា ដើម្បីក្លាយទៅជារដ្ឋាភិបាល និងពលរដ្ឋអេឡិចត្រូនិច
សារព័ត៌មាន Cambodia News/
ភ្នំពេញ (២៥ មករា ២០១៨) ៖ ក្នុងបណ្តាញទំនាក់ទំនង សង្គមហ្វេសប៊ុករបស់សម្តេចតេជោ ហ៊ុន សែននាយករដ្ឋមន្រ្តីនៃប្រទេសកម្ពុជា នៅថ្ងៃទី២៥ ខែមករា នេះ សម្តេចបានថ្លែងពីទីក្រុងញ៉ូវដេលី ប្រទេសឥណ្ឌាមកថា កម្ពុជាអាចសិក្សារៀនសូត្របាន ពីប្រទេសជាមិត្តគឺឥណ្ឌា ដើម្បីជំរុញកម្ពុជាឲ្យក្លាយ ទៅជារដ្ឋាភិបាលអេឡិចត្រូនិច និងប្រជាពលរដ្ឋអេឡិចត្រូនិច ។
សម្តេចតេជោ ហ៊ុន សែន បានបន្តថា សព្វថ្ងៃឥណ្ឌា កំពុងមានការរីកចម្រើនជាច្រើនវិស័យ ជាពិសេស លើផ្នែកបច្ចេកវិទ្យា ដែលកម្ពុជាអាចសិក្សារៀនសូត្របាន ពីប្រទេសជាមិត្ត ដើម្បីជំរុញកម្ពុជា ឲ្យក្លាយទៅជារដ្ឋាភិបាលអេឡិចត្រូនិច និងប្រជាពលរដ្ឋអេឡិចត្រូនិច ដើម្បីជំរុញការកសាង និងអភិវឌ្ឍន៍ប្រទេស ឲ្យកាន់តែឆាប់រីកចម្រើនជឿនលឿន នៅក្នុងសម័យកាលឌីជីថលនេះ ដែលជាតម្រូវការចាំបាច់ របស់ពិភពលោកសព្វថ្ងៃ៕
