ពលរដ្ឋតំបន់បឹងកក់២២គ្រួសារប្រកាសឈប់តវ៉ាក្រោយទទួលប័ណ្ណកម្មសិទ្ធិ
សារព័ត៌មាន Cambodia News/
ភ្នំពេញ (២៨ ធ្នូ ២០១៧) ៖ លោក មាន ចាន់យ៉ាដា អភិបាលរងរាជធានីភ្នំពេញ តំណាងលោក ឃួង ស្រេង អភិបាលរាជធានី រួមជាមួយសហការី និងមន្ត្រីជំនាញ នៅថ្ងៃទី២៧ ខែធ្នូ ឆ្នាំ២០១៧នេះ បានជួបសំណេះ សំណាល និងចែកប័ណ្ណកម្មសិទ្ធិជូនប្រជាពលរដ្ឋ២២គ្រួសារ នៅតំបន់បឹងកក់ក្នុងភូមិ២២ សង្កាត់ស្រះចក ខណ្ឌដូនពេញ ។
បន្ទាប់ពីទទួលបានប័ណ្ណកម្មសិទ្ធិដីធ្លី ស្របច្បាប់នោះ ប្រជាពលរដ្ឋទាំង២២គ្រួសារបានប្រកាសថា ពួកគាត់នឹងឈប់តវ៉ាតាមដងផ្លូវ សាធារណៈទៀតហើយ ។
លោក មាន ចាន់យ៉ាដា បានបញ្ជាក់យ៉ាងដូច្នេះថា ដូចអ្វីដែលយើងបានដឹងរួចមកហើយថា បញ្ហាបឹងកក់ គឺជាបញ្ហាស្មុគស្មាញ ពិបាកដោះស្រាយបំផុត ព្រោះវាមិនត្រឹមតែជាបញ្ហាបច្ចេក ទេសប៉ុណ្ណោះទេ ប៉ុន្តែវាលាយលំជាមួយនឹងចរិកនយោបាយ ដែលមានការគាំទ្រពីក្រុមមាន និន្នាការ ប្រឆាំងមួយចំនួនតូច ។
លោក មាន ចាន់យ៉ាដា បានបញ្ជាក់ថា ការបែងចែកប័ណ្ណកម្មសិទ្ធិដីធ្លីនាពេល នេះជាសក្ខីភាព ជាក់ស្តែង និងជាលទ្ធផលដែលយើងបានប្រឹងប្រែងរួមគ្នា ដោយធ្វើការប្រៀបធៀបទិដ្ឋភាពអតីត កាល និងបច្ចុប្បន្ននៃតំបន់បឹងកក់ ក្នុងនោះបងប្អូនប្រជាពលរដ្ឋដែលនៅសេសសល់២២គ្រួសារ បានទទួលប័ណ្ណកម្មសិទ្ធិ ដែលជាសុវត្ថិភាពនៃការកាន់កាប់ដីធ្លី ដោយច្បាប់ ហើយក៏មិនមែនជា ការកាន់កាប់ខុសច្បាប់ដូចពេលមុនឡើយ៕
