ដាក់ប្រើប្រាស់បណ្តោះអាសន្នម៉ាស៊ីនទូទាត់ប្រាក់ តាមអេឡិចត្រូនិកលើរថយន្តក្រុង
សារព័ត៌មាន Cambodia News/
ភ្នំពេញ (២៩ ធ្នូ ២០១៧) ៖ រដ្ឋបាលរាជធានីភ្នំពេញ បានចេញនូវសេចក្តីជូនដំណឹងស្តីពី ការឲ្យប្រើប្រាស់បណ្តោះអាសន្ន នូវម៉ាស៊ីនទូទាត់ប្រាក់ តាមប្រព័ន្ធអេឡិចត្រូនិក លើរថយន្តក្រុង ដើម្បីសម្រួលដល់ការធ្វើដំណើរ និងឆ្លើយតបតម្រូវការពលរដ្ឋ ព្រះសង្ឃ ចាស់ជរា ជនពិការ កុមារ សិស្ស និស្សិត កីឡាករ កីឡាការិនី និងកម្មករ-កម្មការិនី។
យោងតាមសេចក្តីជូនដំណឹងការដាក់ឲ្យប្រើប្រាស់បណ្តោះអាសន្ន ម៉ាស៊ីនទូទាត់ប្រាក់ តាមប្រព័ន្ធអេឡិចត្រូនិក នៅលើរថយន្តក្រុង ចាប់ពីថ្ងៃទី២៦ ធ្នូនេះតទៅ ។
ទន្ទឹមនឹងនេះដើម្បីអាចប្រើប្រាស់ការទូទាត់ប្រាក់ តាមប្រព័ន្ធអេឡិចត្រូនិកនេះបាន ពលរដ្ឋ ដែលប្រើប្រាស់សេវាដឹកជញ្ជូន សាធារណៈ រថយន្តក្រុង ទាំងអស់ ទាំងអ្នកជិះបង់ប្រាក់ និងមិនបង់ប្រាក់ មកបំពេញបែបប ទទទួលយកកាត (NFC) នៅតាមទីតាំងស្ថានីយ៍ ចំណតរថយន្តក្រុងរបស់រដ្ឋាកររួមមាន ស្ថានីយ៍ចំណតកោះពេជ្រ , ផ្សារអ៊ីអន២ , សួនឬស្សីកែវ , គីឡូម៉ែត្រលេខ៩ , តំបន់សេដ្ឋកិច្ចពិសេស , ច្បារអំពៅ , បុរីសន្តិភាព២, ផ្សារសិនជូរីផ្លាហ្សា និងស្ថានីយ៍ចំណតបឹងឈូក៕
