សម្ដេចតេជោ ៖ ខ្ញុំមិនដឹកនាំប្រទេសនេះពីមានទៅក្រទេ គឺខ្ញុំដឹកនាំពីក្រមកមាន
សារព័ត៌មាន Cambodia News/
ភ្នំពេញ (១៦ វិច្ឆិកា ២០១៧) ៖ សម្ដេចតេជោ ហ៊ុន សែន នាយករដ្ឋមន្ដ្រីនៃព្រះរាជាណាចកម្រកម្ពុជា ក្នុងឱកាសនៃការជួបសំណេះសំណាល ជាមួយកម្មការ កម្មការិនីរោងចក្រជិង១ម៉ឺននាក់ នៅតំបន់សេដ្ឋកិច្ចពិសេស 7NG នាព្រឹកថ្ងៃទី១៦ ខែវិច្ឆិកា ឆ្នាំ២០១៧នេះបានប្រសាសន៍ថា “ពូមិនដឹកនាំព្រទេសពីមានទៅក្រទេ គឺពូដឹកនាំប្រទេសពីក្រទៅមាន” ។
ក្រៅពីសួរសុខទុក្ខ និងចូលរួមត្រេកអរជាមួយកម្មករ កម្មការិនី ដែលមានឱកាសទទួលបានការងារធ្វើមានប្រាក់បៀរវត្សសមរម្យល្មមអាចផ្គត់ផ្គង់ជីវភាពក្រុមគ្រួសារបាននោះ សម្ដេចតេជោ បានបញ្ជាក់នេះ សមិទ្ធផលទាំងនេះ គឺបានមកពីសន្ដិភាពនិងគោលនយោបាយឈ្នះ-ឈ្នះ ដែលគណបក្សប្រជាជនកម្ពុជាបានដាក់ចេញ។
សម្ដេចបានបន្ដថា តាមរយៈគោលនយោបាយនេះ បានធ្វើឲ្យប្រជាពលរដ្ឋកម្ពុជា គ្រប់និន្នាការ សាសនារស់នៅនិងប្រកបកិច្ចការងារជាមួយគ្នាបានដោយសុខដុមរម្យនា ប្រទេសជាតិមានការអភិវឌ្ឍន៍ជាបន្ដបន្ទាប់ពីបាតដៃទទេ រហូតមកទល់សព្វថ្ងៃ៕
