អតីតតារាសម្ដែងសិចស៊ី កែវ សូរិយា ចង.កសម្លាប់ខ្លួន ក្រោយលែងលះស្វាមី
សារព័ត៌មាន Cambodia News/
ភ្នំពេញ (២៤ តុលា ២០១៧) ៖ អតីតតារាសម្ដែងស្រីសិចស៊ី មួយរូប គឺអ្នកនាងថា កែវ សូរិយា ត្រូវប្រទះឃើញ ដោយចងកនឹងក្រមានៅធ្នឹមបង្អួចក្នុងបន្ទប់ដេកស្លាប់ ស្ថិតនៅចំណុចផ្ទះជួល ក្នុងបុរីមួយកន្លែង ស្ថិតក្នុងសង្កាត់និរោធ ខណ្ឌច្បារអំពៅ កាលពីល្ងាចថ្ងៃទី ២២ តុលា ឆ្នាំ២០១៧ ពេលនោះអ្នកបំរើក្នុងផ្ទះឃើញ ក៏ប្រាប់សន្តិសុខ រួចមករាយការណ៍ជូនសមត្ថកិច្ច។
តាមប្រភពពីមន្ដ្រីនគរបាលខណ្ឌច្បារអំពៅ បានថ្លែងឲ្យដឹងថា អតីតតារាសម្ដែងស្រីសិចស៊ី កែវ សូរិយា ដែលបានធ្វើអត្តឃាតនេះ មានឈ្មោះពិត វ៉ា នួនសុភា មានអាយុ២៩ឆ្នាំ ជនជាតិខ្មែរ មុខរបរលក់ឡេ បច្ចុប្បន្នស្នាក់នៅផ្ទះ ជួលលេខ១០ ក្នុងបុរីមួយកន្លែង ភូមិបឹងឈូក សង្កាត់និរោធ ខណ្ឌច្បារអំពៅ ដែលជាកន្លែងកើតហេតុខាងលើ។
ប្រភពព័ត៌មានដែលទម្លាយចេញពីក្រុមគ្រួសារ បានឲ្យដឹងថា មូលហេតុដែលឈានដល់ការធ្វើអត្តឃាតសម្លាប់ខ្លួននេះ ព្រោះមានវិបត្តិ បន្ទាប់ពីលែងលះប្ដីរួច កូនស្រីបានទៅខាងប្ដី ដែលមានឋានៈជាមន្ត្រីយោធា៕ ដោយ ៖ ជា វត្តី
