មនុស្សប្រមាណ១០នាក់ត្រូវបានបញ្ជូនមកសង្គ្រោះដោយសារពុលសារជាតិគីមីគ្រាប់បែកគីមី
សារព័ត៌មាន Cambodia News/
ស្វាយរៀង (០៦ តុលា ២០១៧៖ លោក តូច ប៉ូលីវ៉ា អភិបាលរងខេត្តស្វាយរៀងបានអោយដឹងនៅព្រឹកថ្ងៃទី៦ ខែតុលានេះថា អ្នកដែលរងគ្រោះសង្ស័យបណ្តាលមកការសាយភាយនៃគ្រាប់បែកគីមីរបស់សហរដ្ឋអាមេរិកកាលពីល្ងាចថ្ងៃទី៥ខែតុលាឆ្នាំ២០១៧ ត្រូវបានបញ្ជូនមកសង្គ្រោះនៅមន្ទីរពេទ្យខេត្តមានចំនួន៥នាក់និង៤នាក់ទៀតកំពុងមានអាការៈក្តៅក្រហល់ក្រហាយបញ្ជូនមកមន្ទីរបង្អែកស្រុករមាសហែកដើម្បីជួយសង្គ្រោះ។
លោកបានបន្តទៀតថា នេះជាករណីផ្សេងមួយទៀតហើយដែលនៅព្រឹកនេះមន្ត្រីជំនាញនឹងចុះទៅកន្លែងដែលសង្ស័យថា មានគ្រាប់បែកគីមីសាយភាយនៅក្នុងចំការដំបូងមីនោះហើយដែលមានចំង្ងាយពីកន្លែងប្រតិបត្តិការរុករកដោះគ្រាប់គីមីនៅវត្តគគីរប្រមាណ២០០០ម៉ែត្រដើម្បីយកមកធ្វើការវិភាគអោយបានត្រឹមត្រូវថាតើបណ្តាលមកពីមូលហេតុអ្វីពិតប្រាកដបានជាមានមនុស្សរងគ្រោះច្រើនយ៉ាងនេះ។
សូមបញ្ជាក់ថា នៅល្ងាចម្សិលមិញថ្ងៃទី៥ ខែតុលាប្រហែលម៉ោង៦ មន្ត្រីស៊ីម៉ាក់ និងអាជ្ញាធរជាតិវុធគីមី បានទទួលជនរងគ្រោះពុលសារជាតិ នៃអាវុធគីមី (ផ្អែកការផ្តល់ចំលើយរបស់ជនរងគ្រោះ) ដែលជាយុវជនចំនួន៤នាក់និងស្ត្រីម្នាក់ (ទទួលដំណឹងនៅម៉ោង៦ល្ងាចទៅហើយ ប៉ុន្តែមានគ្រោះថ្នាក់នៅម៉ោងប្រហែល៣រសៀល)។
នេះបើតាមការឲ្យដឹងពីមន្ត្រីស៊ីម៉ាក់បានដឹងថា ពួកគេថាមានគ្រាប់បែកគីមីចំនួន២គ្រាប់ ហើយស្ថិតក្នុងចំការដំឡូង មានចំងាយប្រមាន២គីឡូម៉ែត្រ ពីកន្លែងកំពុងប្រតិបតិ្តការក្នុងវត្តគីគីរ។ ការពុលនោះអាចមិនធ្ងន់ធ្ងរ មុជទឹកសំអាតខ្លួនប្រាណ ហូបទឹកឱ្យច្រើន បរិភោគឱ្យឆែ្អត និងលេបថ្នាំខ្លះអាចធូរស្រាលវិញ។ តែទោះយ៉ាងណា ខាងអាជ្ញាធរមូលដ្ឋាន បានខិតខំជួយចាត់បញ្ជូនពួកគាត់ ទៅទេព្យបង្គោល ដើម្បីបង្ការភាពអាក្រក់ណាមួយកើតឡើង៕
