សម្តេចតេជោ ៖ ការជួបគ្នារវាងឧត្តមក្រុមប្រឹក្សាពិគ្រោះ និងផ្តល់យោបល់ជាវប្បធម៌សន្ទនាក្រោយការបោះឆ្នោត
សារព័ត៌មាន Cambodia News/
ភ្នំពេញ (២៨ កុម្ភៈ ២០១៩) ៖ សម្តេចតេជោ ហ៊ុន សែន មានប្រសាសន៍ថាការជួបគ្នារវាងសម្តេច និងឧត្តមក្រុមប្រឹក្សាពិគ្រោះ និងផ្តល់យោបល់ជាវប្បធម៌សន្ទនា វប្បធម៌ក្រោយការបោះឆ្នោត និងជាវប្បធម៌ នៃក្តីស្រឡាញ់។
សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រី នៃកម្ពុជាមានប្រសាសន៍ ក្នុងកិច្ចដឹកនាំប្រជុំក្រុមប្រឹក្សាពិគ្រោះ នឹងផ្តល់យោបល់ នៅវិមានសន្តិភាព នាព្រឹកទី២៨ ខែកុម្ភៈឆ្នាំ២០១៩ នេះ ដើម្បីពិនិត្យទៅលើសមិទ្ធផលការងារ ក៏ដូចជាបញ្ហាប្រឈម មួយចំនួនដែលបានកើតមានក្នុងរយៈ ពេល៦ខែកន្លងមកនេះ ។
ក្រោយជំនួបនេះ ក៏មានការហូបបាយជាមួយគ្នារវាងប្រមុខរាជរដ្ឋាភិបាលជាមួយបណ្តាគណបក្សនយោបាយដែលជាសមាជិកឧត្តមក្រុមប្រឹក្សាពិគ្រោះ និងផ្តល់យោបល់ ដោយសម្តេចចាត់ទុកថា នេះជាឱកាសសម្រាប់ការស្គាល់គ្នាឲ្យបានច្បាស់ ដែលជាវប្បធម៌សន្ទនាវប្បធម៌ក្រោយការបោះឆ្នោត និង ជាវប្បធម៌ នៃក្តីស្រឡាញ់ ពួកយើងគ្រាន់តែប្រកួតប្រជែងគ្នាលើគោលនយោបាយតែប៉ុណ្ណោះ នៅពេលបោះឆ្នោត ប៉ុន្តែគណបក្សនីមួយៗពុំបានចាត់ទុក គ្នាធ្វើជាសត្រូវនោះទេ។
សម្តេចតេជោ បានបន្តថា សូមផ្ដោតការយកចិត្តទុកដាក់ថា កិច្ចប្រជុំឧត្តមក្រុមប្រឹក្សាពិគ្រោះនិងផ្ដល់យោបល់នេះ គឺមានលក្ខណៈមិនខុសគ្នាពីកិច្ចប្រជុំគណៈរដ្ឋមន្ត្រីនោះទេ យើងបានភ្ជាប់វីដេអូ Conference ទៅតាមបណ្តាខេត្តអង្គភាពកងទ័ពនៅទូទាំងប្រទេសហើយដែលពួកគេអាចនឹងស្ដាប់បាននូវ សំឡេងរបស់សមាជិកសមាជិកាទាំងអស់នៃឧត្តមក្រុមប្រឹក្សាពិគ្រោះ និង ផ្តលយោបល់ ៕
